EMM:sne åvtehke, mubpieåvtehke jïh vïjhte lïhtsegh mejtie Gånka staateraeresne nammohte boelhkide mah ryöhkoeh njieljie jaepieh. Saemiedigkie laavenjostoe Eejhtegemoenehtsinie maadthskuvlesne (EMM) dejnie ulmine EMM:n barkoe hïejme-skuvle laavenjostose aaj edtja nåhtojne årrodh saemien learoehkidie jïh eejhtegidie. Saemiedigkie saemien lïhtsegem raereste fïerhten aejkien akte orre EMM edtja nammoehtamme sjïdtedh.
EMM aktem jïjtse nedtesæjroem åtna gusnie bïevnesh eejhtegidie aaj noerhtesaemien gïelesne.
Jienebh saemien eejhtegeviermieh gååvnesieh. Datne bijjieguvviem gaavnh dejstie EMM:n nedtesæjrosne.