Finnmarhke, Tromse jïh Nordlaanten fylhkentjïelth jïh Saemiedigkie nammoehtin sijjen lïhtsegh Fjovlegöölememoenehtsasse daan biejjien.
- Mijjieh joekoen madtjeles lïhtsegigujmie Fjovlegöölememoenehtsisnie. Akte illedahke mijjieh åådtjeme jïjnjh raeriej tjïrrh jïh hijven rååresjimmine sinsitnine, Finnmarhken fylhkentjïelten åejvie Runar Sjåstad jeahta, fylhkenraerie Tromsesne Line Miriam Sandberg, fylhkenraerie Nordlaantesne Arve Knutsen jïh saemiedigkieraerie Silje Muotka Saemiedigkesne.
Fjovlegöölememoenehtse edtja reeremem nænnoestehtedh fjovlegöölemistie ,joekoen dïhte saemien åtnoe. Dïhte edtja aamhtesigujmie barkedh goh göölemestuvrehtimmieh, råajvarimmieh juktie mearoegaedtie- jïh fjovlegöölemem nænnoestehtedh, fjovleraedtieh bïejedh jïh aaj stoeredahkem jïh joekedimmiem lissieveahkese doerskese gaahpoeh dåehkesne.
- Fjovlegöölememoenehtsen lïhtsegh fïereguhte jïh ektesne aktem hijven jïh vihkeles maahtoem göölemen, reeremen jïh siebriedahken bïjre utnieh. Dan åvteste jaehkebe Fjovlegöölememoenehtse sæjhta akte vihkeles dåarjoe årrodh akten positijve evtiedæmman mearoegaedtie- jïh fjovlegöölemistie noerhtene, Sjåstad, Sandberg, Knutsen jïh Muotka minngemosth jiehtieh.
Fjovlegöölememoenehtsen lïhtsegh leah nammoehtamme göökte jaepide, jïh dah jïjtje åvtehkem veeljieh. Göölemedirektovraaten dajvekontovre Finnmarhke lea tjaelemesijjie.
Kontaktinformasjon
Fjovlegöölememoenehtse
| Nammoehtæjja: | Lïhtsege | Sæjjasadtje |
| Finnmarhken fylhketjïelte: | Tomas Sagen (47), Lebesby | Bernt Wilhelmsen (63), Porsanger |
| Troms fylhkentjïelte: | Jorhill Andreassen (65), Lenvik | Knut Werner Hansen (62), Karlsøy |
| Nordlaanten fylhketjïelte: | Mikal Steffensen (34), Øksnes | Mona Gilstad (54), Vega |
| Saemiedigkie: | Tone Joakime Nilsen (32), Gamvik | Trond-Einar Karlsen (52), Alta |
| Geir Tommy Pedersen (49), Kåfjord | Ragnhild Sandøy (60), Tromsø | |
| Bente Aasjord (54), Steigen | Ragnhild Melleby Aslaksen (51), Vadsø |