Saemiedigkieraerie Henrik Olsen garmerde jïh ellies dåarjoem vadta dejtie saemien LHBT-ïedtjeladtjide mah aktem saemien ååredæjjam vadta EuroPridese 2014, öörnedimmie mij sæjhta våajnoes årrodh Nöörjen åejviestaaresne ruffien 20.- 29.b.
- Manne abpe saemiedigkieraerien åvteste soptsestem gosse jeahtam manne garmerdem jïh dåarjohtem dejtie mah eerlegelaakan vuesiehtieh dah leah garmeres vælnjoeh saemieh årrodh, jïh mijjieh gegkiestibie garmeresvoete saasere, Olsen jeahta mij hedtieh vuajna homo-gæmhpoen jïh saemien gæmhpoen gaskem.
- Barkoe jååhkesjimmien jïh garmeresvoeten åvteste lea naakede mesnie gaajhkh saemieh maehtieh jïjtjemse damtijidh. Gellielaakan homo-gæmhpoe seammalaakan vååjnoe goh dïhte saemien identiteetegæmhpoe, amma jååhkesjimmiem jïh garmeresvoetem geerjehtidh jïjtse bïjre, jïh dejtie vælnjoeh saemide daate akte guektiengïerts gæmhpoe, Olsen jeahta.
EuroPridesne akte saemien bielie öörnesåvva dehtie aerpievuekien paraadeste Oslon gaatoej tjïrrh, laavadahken, ruffien 28.b., lissine dïhte voestes vuasahtalleme Queering Sápmi lea Pride House’sne ruffien 27.b.
(LHBT lea lesbiske, homofijle, bifijle jïh transalmetjh, jïh lea akte gaskenasjovnaale tjåenghkies dïejvese vælnjoeh almetjidie)
Govlehtallije:
Raerielïhtsege Henrik Olsen, tlf. 907 75 219.