Ööhpehtimmielaaken § 4A-1 mietie geerve almetjh mah eah leah maadthskuvlem illeme, reaktam utnieh sjïehtedamme maadthskuvlelïerehtimmiem åadtjodh, jïh ööhpehtimmielaaken § 4A-2 mietie geerve almetjh reaktam utnieh jåarhkelïerehtimmem åadtjodh dan jaepien raejeste dah 25 jaepieh illieh. Tjïelten jïh fylhkentjïelten lea dïedte maadthskuvlelïerehtimmiem jïh jåarhkelïerehtimmiem hoksedh geerve almetjidie.
Kuvsje saemiengïelesne geerve almetjidie
Samiske språksentre tilbyr kurs i samisk språk. Dejnie ovmessie bieline Saepmeste gellie geerve almetjh mah dan aarebi daaroedehtemepolitihken gaavhtan leah sijjen ietniengïelem dasseme. Dan åvteste dellie joekoen daerpies kuvsjigujmie saemien gïelesne. Saemiedigkie sjïehteladta ihke geerve almetjh edtjieh maehtedh daerpies daajroeh saemiengïelesne ribledh, gaskem jeatjah gïelejarngh tseegkie jïh jåhta. Saemien gïelejarngh kuvsjem faalehtieh saemien gïelesne.
Saemien Studijesiebrie (SOL) geervelïerehtimmiem faalehte saemien årroejidie. Dah kuvsjh öörnedieh saemien gïelesne, saemien vætnosne, eatnemeåtnosne jïh jeatjah saemien kultuvreïebnine.
Jeatjah aktöörh mah faalenassem saemien gïelesne geerve almetjidie leah saemien jåarhkeskuvlh, e-skuvla, jïlleskuvlh jïh universiteeth.