Saemien Gïelegaaltije lea maahtoeladtjh tjöönghkeme saemien gïeline jïh böörie gïelenuhtjijh seminarijasse Sajos:ne, Enare:isnie golken 6 b. Seminarejisnie edtja digkiedidh magkeres nuepieh/dåeriesmoerh nieljie saemien gïelh utnieh gïele-gorredimmiej-, normeringi- jïh teermebarkoej sisnie. Ij gellien aejkien nuepiem utnedh nieljieh saemien gïelh åadtjodh govledh.
Gïele-seminarije lea aalkovem saemiedigkiej golmejaepien krïensi-rastah gïele-ektiebarkoeprosjeektese. Såevmien saemiedigkie-presideente Tiina Sanila-Aikio edtja seminarijem rïhpestidh. Rïhpestimmie-seminarije Gïelegaaltijen prosjekteese lea rïhpesh gaajhkesidie. Dah mah edtjieh meatan årrodh tjoeverh jïjtjh sijjen vuelkeme-, jïjjedimmie- jïh beapmoe-åaside maeksedh. Seminarijem såevmien jïh sveerjen gïelese jarkoestieh.
Buerie båeteme!
Sijjie: Solju - Sajos, Enare 6.10.2015
Programme:
9.30 Prïhtjege
10.00 Rïhpestimmie, Samisk Parlamentarijen raeriestäjjan åejveste Tiina Sanila Aikio
10.15 Nöörjen Saemiedigkie-presideente Aili Keskitalo
10.30 Eino Koponen: Prinsijph gïele-gorredimmesne jïh guktie sjïehtesjidh skoltesaemien gïelese.
11.10 Johanna Ijäs: Laavkeme-baakoeh noerhtesaemien gïelesne jïh guktie dejtie tjaala.
11.50 Vuesietimmie auditorijisnie Sámi Oahpahusguovddáš:n musihkelearohkijstie
12.30 Aeredsbiejjie-beapmoe
13.30 Petter Morottaja: Guktie Enare-saemien gorredidh?
14.10 Svenn-Egil K. Duolljá: Grammatihke-njoelkedassh julevsaemien gïelenormeringe våaroemistie
14.50 Marko Marjomaa: Gïelegaaltije–prosjeekte
15.00 Orrijimmie
Saemien Gïelegaaltije lea saemien almetji bijjemes faageorgane dovne jïllemes nännoestimmie byjjesfaamoem åtna mej bïjre aamhtside mah saemien gïeli bïjre. Saemien gïelegaaltije faala gïeleviehkiem mejgujmie gyhtjelassh vaestiedidh jïh raerieh vedtedh gïele-nuhtjijidie. Saemien gïelegaaltijen laavenjassine aaj terminologije-barkoe, gïelenormeringh jïh gïele-gorredimmieh. Diss-vielie edtja Gïelegaaltije bievnedh saemien gïeli bïjre dovne faagegyhtjelassh dan bïjre.
Gïelegaaltijen prosjeektem Interreg V Nord biehkiedajve Sápmi, Lapin liitto, Troms:n Fylkentjïelte jïh Nöörjen, Sveerjen jïh Såevmien saemiedigkide maeksieh. Såevmien Saemiedigkie prosjektem lijrie.