Guktie aelkedh #saemesthmunnjien
Dïhte voestes maam tjoerh darjodh lea appem Instagram veedtjedh. Daate akte guvviejuekeme-appe, mij baaja datnem guvvieh juekedh. Jis raaktan dov guvvieh edtjieh meatan sjïdtedh kampanjesne dle tjoerh aktem gaahpoeh profijlem utnedh. Dam tellefovnesne vuajnah innstillinger nuelesne. Jis ih sïjhth dov privaate profijlem rïhpestidh dle maahtah aktem lissiekontoem tseegkedh. Instagram akte namhtah programme, juktie ih daarpesjh maam maeksedh dan åvteste.
Guktie teekstem gåvvan bïejedh?
Gellie applikasjovnh gååvnesieh mejtie maahtah namhtah veedtjedh dovne sijjine Google Play jïh iTunes. PicLab jïh LineCamera leah såemies alternatijvh.
Saemien tastatuvre mobijletellefovnesne
Gaatesjen dle saemien tastatuvre ij gaajhkide tellefovnide gååvnesh annje. Men gellie såarhts vuekieh maahtah nuhtjedh jis sïjhth noerhtesaemien bokstaavh mobijlesne nuhtjedh.
Android
Akte noerhtesaemien tastatuvre Android-tellefovnide gååvnese. Scandinavian keybord lea sijjesne Google Play.
Jis ih sïjhth Scandinavian keyboard nuhtjedh maahtah aaj dam kroatiske tastatuvrem Hrvatski nuhtjedh, mij joe dov tellefovnesne. Dellie åadtjoeh dejtie noerhtesaemien bokstaavine áčđšž (jis guhkiem steerh bokstaavide acdsz), dah aajnehke noerhtesaemien bokstaavh mah fååtesieh leah ŋŧ.
iPhone jïh Nokia
iPhone jïh Nokia eah naan noerhtesaemien tastatuvrem utnieh. Goh Android-tellefovnine maahtah dam kroatiske tastatuvrem nuhtjedh, Hrvatski, mij joe dov tellefovnesne. Dellie bokstaavide áčđšž åadtjoeh (jis guhkiem steerh bokstaavine acdsz), dah aajnehke noerhtesaemien bokstaavh mah fååtesieh leah ŋŧ.
Baakoegærjah tellefovnesne
Julevsaemien: http://ntec.no/samisk/
Noerhtesaemien: http://giellatekno.uit.no/words/dicts/index.nno.html
Åarjelsaemien: http://giellatekno.uit.no/words/dicts/index-sma.sma.html
Jeatjah tipsh jïh raerieh
Guktie noerhtesaemien tastatuvrem daatovrese åadtjodh:
Akte veele buerkiestimmie guktie maahtah noerhtesaemien tastatuvrem åadtjodh daatovrese lea Giellateknon gåetiesæjrosne. http://giellatekno.uit.no/doc/infra/docu-keyboard.nno.html
Saemien staeriedimmieprogramme:
Giellateknon gåetiesæjrosne maahtah aaj Divvun veedtjedh, akte staeriedimmiedïrrege dovne systemidie Windows, macOS, OpenOffice & LibraOffice, jïh InDesign. http://divvun.no/no/index.htm
Lissine dovne digitaale baakoegærjah jïh interaktijve saemienkuvsjh, jïh noerhtesaemien maasjinejarkoestimmiedïenesje nöörjengïelese.