Jåartaburrie aktem joekoen vihkeles råållam åtna juktie jielije voenh jïh saemien kultuvrem evtiedidh. Daan biejjien jieleme stoerre haestemh åtnah dannasinie akte stoerre låhkoe jåartaburrine orrije jïh gille jåartaburrine aalka. Saemiedigkie sæjhta jåartaburriem vaarjelidh jïh evtiedidh goh akte vihkeles kultuvreguedtije jïh fasseldæjja.
Jielije voenh lea dïhte bööremes tjirkeme juktie saemien kultuvrem jïh gïelem gorredidh jïh evtiedidh. Dannasinie akte stoerre haesteme Saemiedægkan govlehtoevedh nöörjen åejvieladtjijste dejnie gyhtjelassine mah evtiedimmiem jåartaburreste tsevtsieh saemien dajvine.
Saemiedigkie sæjhta:
- Maereles juridihkeles jïh ekonomeles mierietsiehkieh utnedh
- Dïenestem bueriedidh aalkoejielieminie
- Hijven dåårrehtimmiem buektiehtidh
- Buerebe balanse tjoeli gaskem buektiehtidh
- Juvrepolitihkem utnedh mij saemien jielemh krööhkeste
Mijjieh sïjhtebe mijjen ulmieh jaksedh daejnie:
- Arealh jïh vierhtieh gorredidh
- Jåartapolitihkem tsevtsedh
- Sjïehteladtedh juktie ïebnesh vijriesåbpoe evtiedidh
- Viehkiehtidh guktie hijven öörnegh tseegkesuvvieh gosse boelveste boelvese serteste
- Viehkiehtidh guktie stuerebe nyjsenelåhkoe sjædta
- Gorredidh guktie miehtjiesdajvebarkijh luhpiem åadtjoeh vierhtide miehtjiesdajvesne
Mijjen laavenjostoeguejmieh:
- Innovasjovne Nöörje (Innovasjon Norge) evtiedimmievierhtide voenide reerie, mejtie maahta skåårvemidie vedtedh aerpievuekien laanteburresne jïh lissiejielieminie, jïh aaj tseegkijedåarjose jïh sïelteevtiedæmman lissiejieliemasse.
- Fylhkenålmaj laanteburriegoevtesh edtjieh viehkiehtidh guktie dïhte nasjovnale laanteburriepolitihke tjïrrehtåvva viehkine bïevnesistie, reereme tsavtsvierhtijste jïh voenges sjïehtedamme råajvarimmijste.
- Dah tjïelth leah tjåadtjoehtæjjah goh voesteslinjedïenesje laantebårran
- Dah båantasiebrieh Norges Bondelag jïh Norsk Bonde-og Småbrukerlag leah rååresjimmieguejmieh Staatine dan fïerhten jaepien jåartaburrielatjkoen bïjre. Latjkoe jåartaburrien mierietsiehkide sjïehtede.
