Jielemelatjkoe duadtan: Duedtiestipende
Saemiedigkie maahta stipendem dåarjodh learoehkidie jïh studentide mah duedtiem elliestïjjen vaeltieh.
Ohtsememierie: 25.02.2016.
Stipende vadtasåvva learoehkidie jåarhkeskuvlesne mah:
- Jåa1 Hammoedimmiem jïh vætnoem vaeltieh. Akte krïevenasse learohke edtja maahtoeulmide goerehtidh duedtien learoesoejkesjijstie sïeltelïerehtæmman. Duedtie edtja akte åejviebielie årrodh programmefaagijste.
- Jåa2 Hammoedimmien jïh duedtiem elliestïjjen vaeltieh. Duedtie edtja akte åejviebielie årrodh programmefaagijste.
Jïh studentide Nöörjeste mah:
- Elliesjaepien duedtiem vaeltieh Saemiej ööhpehtimmiejarngesne Johkemehkesne.
- Duedtiem vaeltieh bachelor- jïh maasteredaltesisnie elliestïjjen.
Maahta jeenjemes 10 000 kråvnah vedtedh fïerhten learoehkasse fïerhten jaepien learoehkidie jåarhkeskuvlen daltesisnie jïh 20 000 kråvnah fïerhten studentese jïlleskuvle- jallh universiteetedaltesisnie.
Åajvahkommes stipende ij vadtasovvh seamma faagen sisnjelen vielie goh ikth.
Ööhpehtimmieinstitusjovnh gusnie ohtsije lea learohke jallh studente edtjieh vihtiestidh krïevenassh leah illeme.
Jis vielie bïevnesh jïh vihtiestimmiekrïevenassh sijhth- vuartesjh ohtsemegoerem jïh Saemiedigkien njoelkedassh öörnegasse jallh gaskesadth Saemiedigkine.
Govlehtallije: Raeriestæjja Cecilie Fagerheim, tell. 78 47 41 05. E-påaste: cecilie.samuelsen.fagerheim@samediggi.no