Mal for valgliste - valgkrets 1.doc 89,00 kB
Jis ussjede læstoem buektedh saemiedigkieveeljemasse, dle tjuara vïhtesjadteme årrodh goh saemiepolitihkeles siebrie, jallh aktem læstoem veeljemegievlesne buektedh gusnie almetjh mah leah Saemiedigkien veeljemelåhkosne tjaalasovveme, leah sijjen nommem læstoeraeriestimmesne tjaaleme.
Saemiepolitihkeles siebrie
Juktie orre-vihtesjadteme sjïdtedh goh akte saemiepolitihkeles siebrie, dle unnemes 200 almetjh mah leah tjaalasovveme Saemiedigkien veeljemelåhkosne, tjuerieh sijjen nommem ohtsemisnie tjaeledh (v. § 20 d mieriedimmesne veeljemen bïjre saemiedægkan) Daah edtjieh ohtsemem dåeriedidh vïhtesjadtemen bïjre goh akte saemiepolitihkeles siebrie.
Jis siebrie joe lea vihtesjadtme goh akte saemiepolitihkeles siebrie Saemiedigkien registerisnie, siebrie edtja orrestahteme bievnesem seedtedh gieh mah leah meatan siebrien ståvrosne åvtelen tsiengelen 2.b. 2013.
Jis siebrie unnemes 60 steemmah åadtjoeji aktene veeljemegievlesne, jallh unnemes 200 steemmah abpe laantesne, dle nuekies jis unnemes göökte dejstie ståvroelihtsegijstie siebrien voenges goevtesisnie, leah sijjen nommh tjaaleme læstoeraeriestimmesne. Seammalaakan dejtie siebride mah leah vïhtesjadteme Saemiedigkesne evtebe saemiedigkieveeljemen mænngan (v. § 28 d).
Aktegslæstoem buektedh veeljemegievlesne
Jis siebrie ij leah vïhtesjadteme goh akte saemiepolitihkeles siebrie, dle maahta læjhkan saemiedigkieveeljemisnie meatan årrodh jïs læstoem buakta maam unnemes 30 almetjh nualan tjaaleme, jïh mah leah tjaalasovveme Saemiedigkien veeljemelåhkosne veeljemegievlesne.
Guktie læstoeraeriestimmiem tjaeledh?
Lissine disse mij lea bijjielisnie neebne dle læstoeraeriestimmie tjuara:
Læstoeraeriestimmieh veeljemasse 2013 – kandiaatelåhkoe læstosne
Veeljemegievlie 1 Luvlie veeljemegievlie: 9 - 12 kandidaath (veeljemegievlien 6 mandaath)
Veeljemegievlie 2 Ávjovári veeljemegievlie: 9 - 16 kandidaath (veeljemegievlien 8 mandaath)
Veeljemegievlie 3 Noerhte veeljemegievlie: 9 - 10 kandidaath (veeljemegievlien 5 mandaath)
Veeljemegievlie 4 Gáisi veeljemegievlie: 9 - 12 kandidaath (veeljemegievlien 6 mandaath)
Veeljemegievlie 5 Jilliemearoe veeljemegievlie: 9 kandidaath (veeljemegievlien 4 mandaath)
Veeljemegievlie 6 Åarjelsaemien veeljemegievlie: 9 kandidaath (veeljemegievlien 4 mandaath)
Veeljemegievlie 7 Åarjel-Nöörje veeljemegievlie: 9 -12 kandidaath (veeljemegievlien 6 mandaath)
Læstoeraeriestimmien deellememierie lea voerhtjen 2.b. veeljemejaepien 2013. Daate lea akte gïeten sisnie mierie. Åtna læstoeraeriestimmiem goh deelleme gosse lea Saemiedægkan båateme.
Govlehtallije Saemiedigkieveeljemasse 2013: Raeriestæjja Roald Andreas Sandvik tell. 78 47 41 83
Mal for valgliste - valgkrets 1.doc 89,00 kB
Mal for valgliste - valgkrets 2.doc 96,00 kB
Mal for valgliste - valgkrets 3.doc 87,50 kB
Mal for valgliste - valgkrets 4.doc 89,00 kB
Mal for valgliste - valgkrets 5.doc 84,00 kB
Mal for valgliste - valgkrets 6.doc 84,00 kB
Mal for valgliste - valgkrets 7.doc 87,00 kB