Saemien voestesgïeline
Saemien voestesgïeline lea dejtie learoehkdiie mah saemien hïejmegïeline utnieh jïh saemiestieh gosse skuvlesne aelkieh. Learohkh mah saemien voestesgïeline utnieh, dam voestes lohkeme- jïh tjaelemelïerehtimmiem åadtjoeh saemien gïelesne. Nöörjenfaagesne lïerehtimmiem åadtjoeh learoesoejkesjen mietie nöörjengïelesne dejtie learoehkidie mah saemien voestesgïeline utnieh. Voestesgïele jienebh ööhpehtimmietæjmoeh åtna jïh learoesoejkesje stuerebe krievenassh åtna goh mubpiengïelen learoesoejkesje.
Gåarede göökte voestesgïelh veeljedh, amma dovne saemien jïh nöörjen goh voestesgïele.
Saemien mubpiengïeline - golme ovmessie alternatijvh joekehts gïervevoetine.
Learohkh mah saemien mubpiengïeline utnieh, maehtieh joekehts åvtedaajroeh utnedh gosse saemien gïelelïerehtimmine aelkieh. Muvhtide learoehkidie saemien akte eevre orre gïele, mearan mubpieh ånnetji saemien maehtieh gosse skuvlesne aelkieh. Dan åvteste learohkh joekehts nuepieh utnieh sijjen gïelem evtiedidh gosse eah seamma nuepieh utnieh gïelem govledh jïh nuhtjedh sijjen voengesne biejjieladtje. Dan åvteste learoesoejkesje saemieïn gïelesne mubpiengïeline, lea bæjjese bigkeme guktie dïhte edtja sjiehtedh gaajhkide learoehkidie ovmessie åvtedaajroejgujmie, learoehkide mah ånnetji guhkebe tijjem darpesjieh gïelem lieredh jih learoehkide mah saemien gïeline aelkieh ovmessie jaepiedaltesinie.
Learohkh maehtieh saemiengïelesne mubpiengïeline veeljedh galhkuvevuarjasjimmiem åadtjodh jïh galhkuveeksamenem vaeltedh maadthskuvlesne jïh jåarhkelïerehtimmesne ovmessie alternatijvi mietie gusnie krïevenasse galhkuvemaahtose faagesne ij leah seamma jolle goh dejnie golme alternatijvine.
Faage saemien mubpiengïeline daejtie alternatijvide åtna:
- saemien mubpiengïeline - saemien 2 lea dïhte alternatijve saemien gïelen mubpiengïeline sisnjelen mij bööremes gïeledaajroeh vadta. Gosse daam alternatijvem veeljie dellie dïhte sæjhta våaroeminie årrodh learohken funksjonelle guektiengïelevoetese mænngan skuvlem orrijamme.
- saemien mubpiengïeline - saemien 3 lea akte alternatijve learoehkidie mah sijhtieh nåhtoem utnedh guhkebe tïjjem nuhtjedh saemien lïeredh jïh learoehkidie mah seenhte saemiengïeline aelkieh maanadaltesisnie jallh easkah noeredaltesisnie.
- saemien mubpiengïeline - saemien 4 lea akte faalenasse dejtie mah aelkieh saemien lïeredh jåarhkelïerehtimmesne jïh ajve dah learohkh mah eah saemien maadthskuvlesne åtneme maehtieh dam veeljedh.
Krïevenassh learoesoejkesjisnie saemien mubpiengïeline - saemien 2/ saemien 3/ saemien 4/
Learoesoejkesje faagesne saemien mubpiengïeline lea bæjjese bigkeme guktie 9 daltesh åtna. Learohkh mah saemien 2 utnieh, edtjieh maahtoeulmide maehtedh gaajhkide 9 daltesidie gåalmeden jaepien mænngan jåarhkelïerehtimmesne, mearan learohkh mah saemien 3 utnieh, edtjieh maahtoeulmide daltesidie 1-6 maehtedh. Dah mah saemien 4 utnieh edtjieh maahtoeulmide daltesidie 1-3 maehtedh Jåa3 mænngan.
| Saemien 2 | Saemien 3 | Saemien 4 |
Learohkh edtjieh maehtedh | maahtoeulmide | maahtoeulmide | maahtoeulmide |
7. jaepiedaltesen mænngan | daltesidie 1-3 b | daltesidie 1-2 b |
eah saemien maadthskuvlesne utnieh |
10. jaepiedaltesen mænngan | daltesidie 4-6 | daltesidie 1-3 | |
Jåa 1 mænngan | daltesasse 7 | daltesasse 4 | daltesasse 1 |
Jåa 2 mænngan | daltesasse 8 | daltesasse 5 | daltesasse 2 |
Jåa 3 mænngan | daltesasse 9 | daltesasse 6 | daltesasse 3 |
Saemien ammesgïeline
Skuvleaajhtere maahta faalenassem vedtedh saemien bïjre ammesgïeline gaajhkide learoehkidie seammalaakan goh jeatjah ammesgïelefaalenassigujmie. Learohkh lïerehtimmiem åadtjoeh learoesoejkesjen mietie ammesgïelide. Learohkh mah saemien ammesgïeline utnieh, eah leah lutniestamme lïerehtimmeste jïh vuarjasjimmeste tjaaleldh baaltegïelesne.