Saemiedigkien vuajnoen mietie edtja learoevierhtieh gååvnesidh gaajhkine faagesuerkine jïh gaajhkine faagine, åarjel-, julev- jïh noerhtesaemien gïelesne, jis edtja ulmide jaksedh maanagïerten mieriesoejkesjisnie, jïh learoesoejkesjevierhkesne Maahtoelutnjemasse – saemien.
Saemiedigkien lea dïedte, soejkesjevierhkiej jïh fïerhten-jaepien budsjedten tjïrrh, ulmieh, strategijh jïh råajvarimmieh viehkiedïrregidie tjïelkestidh, juktie learoevierhtieh evtiedidh.
Saemiedigkien lea dïedte vierhtieh joekedidh jïh viehkiedïrregeåtnoem vaaksjoestidh jïh goerehtidh laaki, njoelkedassi jïh bïhkedassi mietie.
Saemiedigkie sæjhta:
Saemiedigkie sov learoevierhtiebarkoem dejtie nænnoestamme strategijide ektede, Saemiedigkien strategeles soejkesjisnie learoevierhtieevtiedæmman 2009 – 2012. Soejkesjisnie tjåådtje mijjieh edtjebe:
Ovttas.no - Saemien learoevierhtieh nedtesne
Mijjieh guvvieh, gærjah, filmh, tjoejenassh, lïerehtimmiedeerpegh, tjaalaldahkh, jïh digitaale vierhtieh tjööngkeme guktie aelkebe dutnjien sjædta lohkehtæjjine årrodh saemien skuvline.
Saemiedigkien vuajnoen mietie edtja learoevierhtieh gååvnesidh gaajhkine faagesuerkine jïh gaajhkine faagine, åarjel-, julev- jïh noerhtesaemien gïelesne.