Learoevierhtieh

Saemiedigkien lea dïedte, soejkesjevierhkiej jïh fïerhten-jaepien budsjedten tjïrrh, ulmieh, strategijh jïh råajvarimmieh viehkiedïrregidie tjïelkestidh, juktie learoevierhtieh evtiedidh.

Saemiedigkien lea dïedte vierhtieh joekedidh jïh viehkiedïrregeåtnoem vaaksjoestidh jïh goerehtidh laaki, njoelkedassi jïh bïhkedassi mietie.

Saemiedigkie sæjhta:

• Viehkiehtidh aktine orrestimmeles jïh radtjoes evtiedimmine saemien learoevierhtijste jïh pedagogeles materijelleste
• Gaavnoes darjodh jïh bievnedh saemien learoevierhtiej bïjre saemien learoevierhtiejarngen tjïrrh, Saemiedigkien nedtesæjroen tjïrrh jïh learoevierhtiesijjen Aktesne tjïrrh nedtesne

Saemiedigkie sov learoevierhtiebarkoem dejtie nænnoestamme strategijide ektede, Saemiedigkien strategeles soejkesjisnie learoevierhtieevtiedæmman 2009 – 2012. Soejkesjisnie tjåådtje mijjieh edtjebe:

• Orre learoevierhtieh evtiedidh åarjel-, julev- jïh noerhtesaemien gïelesne
• Daaletje learoevierhtieh jarkoestidh jïh sjïehtedidh
• Sjyöhtehke faagebyjresigujmie laavenjostedh juktie faagelidteratuvrem evtiedidh
• Sïejhme jïh/jallh digitaale learoevierhtieh evtiedidh
• Daaletje learoevierhtieh åarjel- jïh noerhtesaemien mubpiengïeline sjïehtedidh
• Tjaalegh tjoejefijli sïjse lohkedh
• Barkoedåehkiem nammoehtidh mij edtja matematihkevierhtiem veeljedh maam edtja åarjel-, julev- jïh noerhtesaemien gïelide jarkoestidh
• Daerpiesvoeten mietie learoevierhtieh /teemaheefth åarjel-, julev- jïh noerhtesaemien gïeli gaskem jarkoestidh jïh sjïehtedidh
• Saemien sjïerepedagogeles dåarjojne laavenjostedh juktie daerpiesvoetide goerehtalledh
• Faagebyjresigujmie laavenjostedh  Staateles sjïerepedagogeles dåarjosne juktie learoevierhtieh, goerehtalleme-, jïh bïhkedimmiematerijellem evtiedidh

Ovttas.no - Saemien learoevierhtieh nedtesne

Mijjieh  guvvieh, gærjah, filmh, tjoejenassh, lïerehtimmiedeerpegh, tjaalaldahkh, jïh digitaale vierhtieh tjööngkeme guktie  aelkebe  dutnjien sjædta lohkehtæjjine årrodh saemien skuvline.

www.ovttas.no