Saemiedigkie jåarhka stipendem vedtdh learoehkidie mej saemien gïele faagegievlesne jåarhkeskuvlesne aaj 2015. Dïhte mij lea orre 2015 lea aaj bielietïjjen learohkh mej saemien gïele faagegievlesne, nuepiem utnieh stipendem ohtsedh jïh stipenden stoeredahkh leah læssanamme.
Doh orre stipendh leah naemhtie:
o Stipende learoehkidie mej saemien gïele voestesgïeline; kr 7 500,-
o Stipende learoehkidie mej saemien gïele mubpiengïeline: kr 5 500,-
o Stipende learoehkidie mej saemien gïele ammesgieline: kr 3 000,-
-Mijjieh sïjhtebe jienebh edtjieh saemien lïeredh. Ajve naemhtie mijjieh gorredibie gïele jåarhka jieledh jïh mubpieh boelvh maehtieh saemien lïeredh. Dan åvteste gegkiestibie stipende edtja jienebh skreejredh saemien veeljedh jåarhkeskuvlesne, saemiedigkiepresidente Aili Keskitalo.
-Dej minngemes jaepiej learohkelåhkoe jåarhkeskuvlesne mej saemien gïele faagegievlesne læssanamme. Destie maahta vuejnedh stipende learoehkidie skreejrie saemien veeljedh jïh dïhte joekoen hijven, Keskitalo jeahta.
Maahta ohtsedh stipenden bïjre skuvlejaapan 2014/15 sïjse seedtedh 15.01.15 raejeste 30.03.15 raajan. Ohtsemh gïetesuvvieh iktemearan. Ohtsemh mah seedtesuvvieh 31.03.15 mænngan eah gïetesovvh.
Ohtsemegoere olkese bïejesåvva Saemiedigkien gåetiesæjrosne tsïengelen 2015 aalkoelisnie.