Faagemoenehtsh leah tjåanghkan bïejesovveme gaajhkijste saemiedigkietjirkijijstie. Akte åvtehke jïh akte mubpieåvtehke moenehtsidie veeljesuvvieh. Gosse åvtehke posisjovneste veeljesåvva, mubpieåvtehke opposisjovneste veeljesåvva.
Faagemoenehtse juvnehtimmiem buakta stoerretjåanghkose aamhtesinie mejtie stoerretjåanghkoen ståvroe moenehtsidie seedtie. Fïerhtene aamhtesisnie moenehtsh aamhtesereerijem veeljie.
Faagemoenehtsh leah:
Lissine faagemoenehtsidie aaj gïehtjedimmiemoenehtse, veeljememoenehtse jïh laejhtememoenehtse dåarjoeaamhtesidie.
Gïehtjedimmiemoenehtse edtja parlamentarihkeles gïehtjedimmiem jïh stuvremegïehtjedimmiem utnedh barkoen bïjre mij finansieradimmiem åådtje Saemiedigkien budsjedten bijjelen. Dah edtjieh aaj Saemiedigkien jaepiereeknehlåhkoem gïehtjedidh jïh dastegh mïerhkesjimmieh reeknehlåhkose Rïjhkerevisjovneste. Moenehtse maahta goerehtimmieh Saemiedigkien reeremisnie darjodh mejtie åtna daerpies. Gïehtjedimmiemoenehtse raeriestimmiem buakta Saemiedigkien stoerretjåanghkose dejnie aamhtesinie mejtie bæjjese vaalta gïetedæmman, goh jïjtse aamhtese jallh moenehtsen jaepiebïevnesen tjïrrh.
Veeljememoenehtse aamhtesh gïetede gusnie Saemiedigkien stoerretjåanghkoe edtja nænnoestimmieh darjodh veeljemen bïjre årgaanide Saemiedigkien sisnie jallh ålkolen. Moenehtsen laavenjasse lea aamhtesen ryöjredidh jïh raeriestimmiem vedtedh stoerretjåanghkose aamhtesisnie maam moenehtse lea stoerretjåanghkoste åådtjeme.
Laejhtememoenehtse dåarjoeaamhtesisnie
Saemiedigkien stoerretjåanghkoe lea Saemiedigkien laejhtememoenehtsem dåarjoeaamhtesidie tseegkeme 2011. Laejhtememoenehtsisnie 3 lïhtsegh jïh 2 sæjjasadtjh.
Daah leah veeljesovveme boelhkese 2018-2021:
Lïhtsegh:
- Ingar Nikolaisen Kuoljok (åvtehke)
- Kirsti Guvsám
- Hagbart Grønmo
Sæjjasadtjh
- Randi A. Skum
- Jarle Jonassen
Saemiedigkien laejhtememoenehtsen gïetedimmie aktede aamhtesistie lea ajve aamhtesereeremem jïh reaktanuhtjemem gïehtjedidh. Laejhtememoenehtse ij maehtieh aamhtesh bæjjese vaeltedh jïjtjevieltien. Laejhtememoenehtse maahta aamhtesh hiejhtedh mah eah leah laajhtasovveme sïejhme mieriej åvtelen.
Saemiedigkien laejhtememoenehtse edtja laejhtemeaamhtesegïetedimmiem dejstie laajhteme aktegsnænnoestimmijste, reeremelaaken njoelkedassi mietie tjïrrehtidh. Laejhtememoenehtse edtja reaktajearsoesvoetem gorredidh dejtie mah vierhtieh syökoeh Saemiedigkien dåarjoeöörnegi bijjeli, Saemiedigkien njoelkedassi jïh budsjedten mietie. Nænnoestimmieh mejtie laejhtememoenehtse lea dorjeme leah minngemosth.
Laejhtije maahta nuepiem åadtjodh jïjtjemse tjïelkestidh laejhtememoenehtsasse. Laejhtememoenehtsen åvtehke sjæjsjele mejtie laejhtije edtja nuepiem åadtjodh sov vuajnoem aamhtesen bïjre buektedh laejhtememoenehtsasse.