Gie jallh mij galka Saemiedigkien gïeleskreejremesjïelem åadtjodh dan jaepien? Saemiedigkie sjïelem juaka fearhnen njealjede jaepien. Sjïere almetje jallh sïelte, prosjekte jallh organisasjovne maehtieh daam åadtjodh, mij/gie lea jeenem barkeme saemien gïelem nænnoestidh, evtiedidh jïh vaarjelidh.
Ih gåaredh sjïelem vedtedh Saemiedigkien lïhtsegidie jallh reeremasse. Sjïele r. 50.000 ,- jïh kåanstediplovmem åtna.
Gaajhkesh maehtieh raeriem juhtedh gie jallh mij byöroe gïeleskreejremesjïelem vitnedh. Tjaelieh åenehks tjaalegem uvtelassi muhteste jïh seedth dam Saemiedigkien gïelegoevtesasse eannan njoktjen 15. b.
Saemiedigkieraerie mierede gie galka sjïelem åadtjodh.
Galka gïeleskreejremesjïelem juekedh Saemiedigkien dïevestjåanghkosne ruffien.