Musihke
Fealadimmiedåarjoen lea ræhpas ohtsememierie. Musihkebæjhkoehtimmiej ohtsememierie lea 01.06.2015.
Ulmie:
Saemien musihke hijven kvaliteeteste maam jienebh goltelæjjah åadtjoeh goltelidh
Krïevenassh ohtsemen sisvegasse jïh hammose:
Ohtseme edtja tjaalasovveme årrodh Saemiedigkien ohtsemegoeresne, jïh edtja daatovem jïh nommevæhtam utnedh. Dïhte guhte ohtsemasse sov nommevæhtam beaja, tjuara luhpiem utnedh dïedtem bïejedh sïeltese/institusjovnese. Ohtsije dïedtem åtna gaajhkh bïevnesh Saemiedægkan vedtedh mah leah daerpies juktie ohtsemem gïetedidh, aaj bïevnesh jeatjah byögkeles dåarjoen bïjre.
Tjaaleldh latjkoe artisten jïh öörnedæjjan gaskem tjuara ohtsemen baalte bïejesovvedh. Artisten honoraarekrïevenassh edtjieh latjkosne tjåadtjodh.
Maahta dåarjoem ohtsedh daejtie råajvarimmide:
- Fealadimmiedåarjoe
- Konserte
- Artistehonoraare jïh vuelkemedåarjoe saemien artistide jïh kultuvrebarkijidie
Fealadimmiedåarjoe:
Jeenjemes dåarjoe fealadæmman lea 50 000 kråvnah. Dåarjoe lea daejtie maaksojde mah iemielaakan fealadimmien nualan båetieh, daan nuelesne:
- Maarkedebïevneme/promoteradimmie
- Vuelkememaaksoeh/årrome/beapmoe
- Teknihken maaksoeh
- Åasah tjoejese jïh tjoevkese
Konserte:
Aktegs konserth dåarjoem åadtjoeh 10 000,- kråvnaj raajan. Edtja råajvarimmiem tjirrehtidh jïh finansieradidh öörnedæjjine ektine.
Artistehonoraare jïh vuelkemedåarjoe saemien artistide jïh kultuvrebarkijidie:
Edtja honoraarem finansieradidh öörnedæjjine ektine. Saemiedigkien låhkoe honoraareste maahta jeenjemes 50 % årrodh, gaertjiedamme bæjjese 15 000 kråvnaj raajan. Lissine maahta vuelkemedåarjoem vedtedh, gaertjiedamme bæjjese 10 000 kråvnaj raajan.
Aamhtesegïetedimmieboelhke:
Ohtsije maahta vaestiedassem ohtsemasse veanhtadidh 3 askh mænngan ohtseme lea mijjese båateme, v. reeremelaaken § 11. Åvtelhbodti bïevnese reereme-aamhtesisnie seedtesåvva åvtelen aktem askem mænngan ohtsemem dååsteme.
Govlehtallijh:
Ragnhild Vassvik, tell. 78 47 41 54 ragnhild.vassvik@samediggi.no
Emma Margret Skåden, tell. 78 47 41 01 emma.margret.skaden@samediggi.no
Inger Tjikkom, tell. 78 47 40 45 inger.tjikkom@samediggi.no
