Benjaminbaalhka akte skuvlebaalhka, jïh Benjamin Hermansenen nommem guadta mij Holmliesne båvvalgi jaepien 2001. Dïhte rasismen gaavhtan båvvalgi. Skuvlh mah baalhkam dåastoeh eadtjohkelaakan rasismen vööste jïh gaajhki sïerreden vuajnoej jïh dahkoej vööste berkieh.
Daan raajan akte skuvle Noerhte-Nöörjesne baalhkam vitneme, Sjøvegan skuvle 2015. Tjaelemesijjie pråvhka vaenie raeriestimmieh åadtjodh dehtie noerhtemes laantebieleste.
Jeenjesh ussjedieh barkoe rasismen vööste lea guktie dah dejtie unnebelåhkoen learoehkidie sijjen skuvlesne dåastoeh, jïh dan åvteste skuvlh mah eah unnebelåhkoen learohkh utnieh eah maehtieh hijvenlaakan rasismen vööste barkedh. Ij leah naemhtie. Barkoe rasismen jïh sïerredimmien vööste lea uvtemes barkoe vuajnoejgujmie. Vitnijeskuvlh rasismehaestemh siebriedahkesne itjmieslaakan vaeltieh, jïh barkoem rasismen vööste darjoeh goh akte bielie sijjen skuvleaarkebiejjeste.
Saemiedigkie lea meatan Benjaminbaalhkan jurysne, jïh doh jeatjebh leah Marit Hermansen (lohkehtæjja jïh Benjaminen tjidtjie), HL- jarnge, Mïrrestalleme- jïh sïerredimmietjirkije, Antirastiske jarnge, Ööhpehtimmiesiebrie, Eejhtegemoenehtse maadthskuvlese jïh Learohkesiebrie.
Baalhka vadtasåvva dan fïerhten jaepien gaskenasjonaale Holocaust-biejjien mïerhkesjimmien sjïekenisnie. Maahtoeministere baalhkam vitnijasse deellie jïh vitnijeskuvle 250 000 kråvnah åådtje.
Foreslå skole til Benjaminprisen før 1. oktober. Raeresth skuvlem Benjamin-baalhkese golken 1.b. åvtelen.
Lohkh vielie: https://benjaminprisen.no/