Saemiedigkie, Divvun jïh Sámi Giellateknoe Tromsøen Universiteetesne orre digitaale baakoegærjam Sátni – báhkoe – baakoe olkese vedtieh. Baakoegærja lea aarebi baakoegærjan aarpere, man nomme lij risten.no.
Baakoegærjesne dovne sïejhme baakoe jïh faageteermh. Viertiestamme gærjine risten.no, dle daate orre baakoegærja jienebh baakoeh åtna. Aelhkebe aaj baakoeh ohtsedh. Utnijh maehtieh gaajhkine saemien gïeline ohtsedh jïh aaj nöörjen.
-Daejnie digitaale baakoegærjine, maam gaajhkesh maehtieh nuhtjedh, gegkestem jienebh sijhtieh saemien nuhtjedh dovne tjaaleldh jïh njaalmeldh, saemiedigkiepresidente Aili Keskitalo jeahta. Orre baakoeh jïh teermh sijhtieh båateladtedh dennie digitaale baakoegærjesne, Keskitalo jeahta.
Nedtesijjie lea:
Prosjekten åvtehke Divvunisnie Sjur Nørstebø Moshagen jeahta dah sijhtieh bïevnesh bååstede utnedh utniejidie, guktie dah maehtieh baakoegærjam bueriedidh jïh evtiedidh.
Maahta bïevnesh bååstede seedtedh diekie: feedback@divvun.no, jïh lissiehtassh orre teermide maahta vedtedh nedtesijjesne: http://gtsvn.uit.no/termwiki/
Jis jeatjah gyhtjelassh govlesadth Divvuninie, feedback@divvun.no, jallh ringkh prosjekten åvtehkasse Sjur Nørstebø Moshagen, tell. +358-505 634 319.
Lohkh vielie Sámi giellateknon jïh Divvunen bïjre daesnie: