Saemiedigkieraerie Thomas Åhrén lea madtjeles ihke Byjresedepartemeente lea saemiedigkieraerien raerieh fulkeme nammoehtimmesne orre saemien lïhtsegijstie 11 nasjonalpaarhke- jïh vaarjelimmieståvrojne. Voenges reereme nasjonalpaarhkijste jïh vaarjelimmiedajvijste dam saemien åtnoem nænnoestahta, Åhrén jeahta.
Daan aejkien edtjin saemien tjirkijh veeljedh nasjonalpaarhkeståvrojde Låarte/Skæhkere- Lijre (4 lïhtsegh), Njaarke (2), Seiland (2), Stabbursdalen (1), Varangerhalvøya (2), Øvre Pasvik (1) jïh Ånderdalen (1) nasjonalpaarhkh jïh vaarjelimmieståvrojde Lyngsalpan (2) jïh Nordkvaløy- Rebbenesøy (1) eatnemevaarjelimmiedajvh jïh Trollheimen (2) vaarjelimmiedajveståvrose.
Saemiedigkieraerie Thomas Åhrén jeahta ståvroeh leah maehteles ståvroelïhtsegh åådtjeme gellielaaketje daajrojne saemien eatnemeåtnoen jïh siebriedahken bïjre.
-Saemiedigkien gaavhtan lea vihkeles saemien jielemeåtnoe goh båatsoe, gööleme, miehtjiejielemh jïh kultuvrelle vuekieh, maehtieh jåerhkedh hijven jïh daajroes mieriej sisnjeli vaarjelimmiedajvine. Voenges reereme stuerebe vaarjelimmiedajvijste jïh nasjonalpaarhkijste lea akte vihkeles bielie daehtiebarkoste, saemiedigkieraerie Thomas Åhrén jeahta.
Voenges reereme vaarjelimmiedajvijste tseegkesovvi 2010. Daate sæjhta jiehtedh vaarjelimmiedajvh edtjieh reeresovvedh aktede gasketjïelten, politihkeles tjåanghkan bïejeme nasjonalpaarhke- jallh vaarjelimmiedajveståvroste, gusnie akte tjirkije fïereguhteste tjïelteste jïh fylhkentjïelteste mej bïjre lea.
Dajvine saemien ïedtjeladtjigujmie Saemiedigkie Klijma- jïh Byjresedepartemeentine govlesadta nammoehtimmien bïjre tjirkijijstie ståvrojde.
Ållesth 39 saemien ståvroelïhtsegh 20 vaarjelimmiedajveståvrojne laantesne. Ståvroeh edtjieh hoksedh aktem ållesth jïh iktemearan reeremem reereles raasti dåaresth jïh mierien sisnjelen eatnemegellievoetelaakeste jïh vaarjelimmiemieriedimmeste dan akten vaarjelimmiedajvese.
Ståvroeh edtjieh dan åvteste laavenjostedh jeatjah sjyöhtehke guejmiejgujmie akten gamte tjåanghkan bïejeme faageles moenehtsen tjïrrh mah edtjieh raerieh vedtedh, gusnie gaskem jeatjah dajve-aajhterh, båatsoesïjth, jeatjah byögkeles åårganh mej bïjre lea, goh gedtiemoenehtsh, vaerieståvroeh, jieleme, jïjtjevyljehke siebrieh, gaskem jeatjah eatneme- jïh byjresevaarjelimmiesiebrieh jïh jeatjah saemien ïedtjeladtjh desnie gusnie sjyöhtehke.
-Gaajhkh nasjonalpaarhkh aerpievuekien saemien dajvine annjegåatomedajvh båatsose jïh jïjnjh vaarjelimmiedajvh leah dajvh gusnie eatnamistie vierhtieh veedtjieh miehtjiejieliemasse, jïjtjebearkadæmman jïh gusnie ïebnh vytnesjæmman veedtjieh. Dan åvteste vihkeles utnijh leah meatan ståvrojne, dan åvteste dah dam bööremes daajroem utnieh dajvi bïjre, Åhrén jeahta.
Byjresedirektovraate lea 4.6.2014 daejtie ståvroelïhtsegidie nammoehtamme:
1) Nasjonalpaarhkeståvroe Låarte- Skæhkere- Lijren nasjonalpaarhkeståvrose
Tjirkije: Elin Marie Danielsen Sæjjasadtje tjirkije: Maria Kråik Stenfjell
Tjirkije: Eva Anette Wilks Sæjjasadtje tjirkije: Linda Marie Jåma
Tjirkije: Kjell Jøran Jåma Sæjjasadtje tjirkije: Tom Aile Bientie
Tjirkije: Thomas Danielsen Sæjjasadtje tjirkije: Jon Andreas Steinfjell Devika
2) Vaarjelimmiedajveståvroe Lyngsalpan eatnemevaarjelimmiedajvese
Tjirkije: Audun Johnsen Sæjjasadtje tjirkije: Rolf Johansen
Tjirkije: Hilde Marie Larsen Sæjjasadtje tjirkije: Inger Heiskel
3) Nasjonalpaarhkeståvroe Njaarken nasjonalpaarhkese
Tjirkije: Ole Henrik Kappfjell Sæjjasadtje tjirkije: Betty Kappfjell
Tjirkije: Gun Margret Utsi Sæjjasadtje tjirkije: Roy Kvitfjell
4) Vaarjelimmiedajveståvroe Nordkvaløy–Rebbenesøy eatnemevaarjelimmiedajvese
Tjirkije: Elisabeth Johansen Sæjjasadtje tjirkije: Eskild Johansen
5) Nasjonalpaarhkeståvroe Reisa nasjonalpaarhkese
Tjirkije: Anne Merethe Siri Fyhn Sæjjasadtje tjirkije: Mikkel Anders A. Gaup
Tjirkije: Hilde A. Nyvoll Sæjjasadtje tjirkije: Geir Tommy Pedersen
6) Nasjonalpaarhkeståvroe Seiland nasjonalpaarhkese
Tjirkije: Brita J. Skum Sæjjasadtje tjirkije: Ann-Kristin Engstad
Tjirkije: Arne Jørgensen Sæjjasadtje tjirkije: Robert Wilhelmsen
7) Nasjonalpaarhkeståvroe Stabbursdalen nasjonalpaarhkese
Tjirkije: Ronny Wilhelmsen Sæjjasadtje tjirkije: Ida B. Bjørnbak
8) Vaarjelimmiedajveståvroe Trollheimen eatnemevaarjelimmiedajvese
Tjirkije: Maja Britt Renander Sæjjasadtje tjirkije: Anna Kristina Renander
Tjirkije: Gustav Kant Sæjjasadtje tjirkije: Elias Kant
9) Nasjonalpaarhkeståvroe Varangerhalvøya nasjonalpaarhkese
Tjirkije: Jan Ivvár Smuk Sæjjasadtje tjirkije: Inger Anita Smuk
Tjirkije: Ragnhild Melleby Aslaksen Sæjjasadtje tjirkije: Jarl Even Roska
10) Nasjonalpaarhkeståvroe Øvre Pasvik nasjonalpaarhkese
Tjirkije: Mariann W. Magga Sæjjasadtje tjirkije: Ola Johansen
11) Nasjonalpaarhkeståvroe Ånderdalen nasjonalpaarhkese
Tjirkije: Anne Berit P. Kristiansen Sæjjasadtje tjirkije: Geir Are Winther
Govlesadtemebïevnesh ståvroelïhtsegidie vaarjelimmiedajveståvrojne leah Saemiedigkien gåetiesæjrosne:
Saemiedigkieraerie Thomas Åhrén, 908 39