Doh orre lïhtsegh leah:
Åvtehke Ole Henrik Bjørkmo Lifjell (Nordlaante), Maja Fjellstrøm (Noerhte-Trööndelage), Stine Ericsson Anti (Luvlie-Finnmaarhke), Grete Julianne Skum (Jillie-Finnmaarhke) jïh Alfred Mikkel Kuoljok (Nordlaante)
Sæjjasadtjh:
Laara Sparrok (Nordlaante, Andine Knudtson (Åarjel-Nöörje), Kristine Ballari (Luvlie-Finnmaarhke), Sajane Karina Olsen (Romse) jïh Katja Elise Utsi (Nordlaante).
Saemiedigkieraerie lea sov tjåanghkosne Oslosne duarstan 14.12 aktem orre Saemiedigkien noerepolitihkeles moenehtsem nammoehtamme. NSR, Juhtijesaemiej læstoe, Åarjel-Saemiej Gïelh, Barkijekrirrie jïh Åelkieskrirrie lin raeriestimmiejgujmie båateme.
– Mijjieh veelelaakan barkeme jïh krööhkestamme dåehkiej raeriestimmieh dan bööremeslaakan mijjieh buektiehtimh. Gaajhkh dåehkieh mah raeriestimmiejgujmie båateme leah staeries lïhtsegem jallh sæjjasadtjem åådtjeme, saemiedigkieraerie Juhána Biera Biret Márjá/ Berit Marie P. E. Eira jeahta, mij dïedtem åtna SUPU:n åvteste saemiedigkieraeresne.
Saemiedigkien noerepolitihkeles moenehtse (SUPU) lea tseegkesovveme ihke edtja aelhkebe sjïdtedh saemien noeride Saemiedigkien politihkem tsevtsedh. Moenehtse edtja govlehtimmieinstaansine årrodh saemien noeri jïh Saemiedigkien gaskem, men edtja aaj govlehtimmieinstaansine jïh «gïehtjedæjjine» årrodh Saemiedigkesne dejnie aamhtesinie mah leah noeri bïjre. Naemhtie SUPU maahta Saemiedigkiem viehkiehtidh digkien noereprofijlem jïh noerepolitihkem hammoedidh.
– Manne aavodem dam orre moenehtsem gaavnedidh, jïh manne daajram dah stoerre ïedtjem utnieh aamhtesh buektedh mah leah noeri bïjre, Juhána Biera Biret Márjá/Berit Marie P.E. Eira jeahta.
Jis dov leah gyhtjelassh, gaskesadth saemiedigkieraeriem Berit Marie P.E. Eira, mob. +47 913 28 626.
Bilder av sametingsrådet og/eller sametingsråd Berit Marie P.E. Eira