Akte jïjtse saemien prinsihpebielie lea nænnoestamme gaajhkide maadthskuvlide saemien gïelen reeremedajvesne. Prinsihpine lïerehtæmman - sasemien lea saemien skuvlem naemhtie tjïelkestamme: Akte saemien skuvle lea akte bielie ektieskuvleste jïh lea skuvlen jallh dåehkien bïjre gusnei maadthlïerehtimmie lea dan saemien learoesoejkesjevierhkien mietie.
Prinsihpebielesne dïhte saemien lïerehtimmieplakaatesne gusnie voestes tsiehkesne tjåådtje;
saemien skuvle jïh learoesïelte edtjieh
- sjïehteladtedh ihke learohkh/lïerehtæjjah aktem kvalitative hijven lïerehtimmiem åadtjoeh mij våaromem åtna saemien gïelesne, kultuvresne jïh siebriedahkejieliedisnie.
Daate nænnoestimmie edtja våaroemasse bïejesovvedh abpe lïerehtæmman saemien skuvlesne, aaj lïerehtæmman sïejhme learoesoejkesji mietie goh v.g. matematihkesne. Prinsihpesne gaajhkh learoesoejkesjh saemien learoesoejkesjh dan åvteste abpe lïerehtimmie gaajhkine maahtoeulminie vadtasåvva saemien perspektijven mietie.
Saemien skuvlesne ij leah akte stilleme gaajhkh learohkh edtjieh saemien gïelem faagine utnedh, men gaajhkesh edtjieh lïerehtimmiem utnedh saemien parallelle seammavyörtegs learoesoejkesji mietie mah aktem nænnoesåbpoe saemien sisvegem utnieh viertiestamme sïejhme learoesoejkesjigujmie.
Prinsihph lïerehtæmman - saemien gååvnesieh noerhtesaemien jïh nöörjen gïelesne daesnie: https://www.udir.no/laring-og-trivsel/lareplanverket/kunnskapsloftet-samisk/prinsipper-for-opplaringen-samisk/