Lissine saemien filme jïh saemiedigkieveeljemi åejvieotnjege åvtese leah teemine gærjesne Saemien låhkoeh soptsestieh 11.
Faageles analyjsedåehkie saemien statistihkese lea akte jïjtjeraarehke faagedåehkie mij lahtestamme saemien statistihkem redigerede jïh bæjhkohte fïerhten jaepien. Daelie dam gærjam man nomme Saemien låhkoeh soptsestieh (Samiske tall forteller) luhkie jaepieh bæjhkoehtamme jïh daate bæjhkoehtimmie lea eevre daerpies dejtie mah politihkeevtiedimmine jïh aamhtesereereminie saemien tsiehkiej bïjre gïehtelieh.
– Jalhts analyjsedåehkie lea jïjtjeraarehke mijjieh faageles raerieh åadtjobe jïh Saemiedigkine gaskesadtebe. Iemie jïh vihkeles mijjieh dejnie institusjovnine gaskesadtebe mij saemien tsiehkieh ellen bööremes damta, juktie dah leah doh ellen vihkielommes utnijh sisvegistie gærjesne Saemien låhkoeh soptsestieh, analyjsedåehkien åvtehke, staatedaejrije Kevin Johansen jeahta.
Bæjhkoehtimmesne Saemiedigkien politihkeles ståvroe sæjhta Saemien låhkoeh soptsestieh 11 åadtjodh åvtelen doh ovmessie tjaalegetjaelijh åehpiedehtieh maam dah leah gaavneme jïh raeriestimmiejgujmie båetieh råajvarimmide dejnie ovmessie suerkine.
Daan jaepien Stoerredigkien tjïelte- jïh reerememoenehtse aaj sæjhta stïeresne årrodh bæjhkoehtimmesne. Analyjsedåehkien åvtehke Kevin Johansen tuhtjie dïhte lea joekoen hijven.
– Daelie aaj nuepiem åadtjobe åehpiedehtedh maam libie gaavneme dejtie politihkeridie mah sjæjsjalimmieh vaeltieh Stoerredigkien åvteste, jïh dïsse mijjieh aavoedibie.
Vielie bïevnesh, gaskesadth: Tjaelije Faageles analyjsedåahkan saemien statistihkese Yngve Johansen, mob. 915 65 966, jallh goevtesedirektööre Saemiedigkesne Jan Roger Østby, 481 44 696.