Gaskoehkrirrien saemiedigkiedåehkie presidentem juvnehti Baltom nammoehtidh goh Saemiedigkieraerien politihkeles raeriestæjja boelhkese 2017 - 2021.
Balto Gaskoehkrirrien 1. sæjjasadtjine sjïdti Ávjovári veeljemegievlesne daan jaepien saemiedigkieveeljemisnie jih sæjtha Gaskoehkrirrien gïele sjïdtedh dennie orre raeresne.
Anne Toril Eriksen Balto guhkies jïh gamte dååjrehtimmiem åtna Gaskoehkrirresne jïh lij dïhte voestes nyjsenæjja mij tjïelten åejvine sjïdti Karasjohken tjïeltesne, ajve 34 jaepien båeries. Dïhte aaj veeljesovveme Fylhkendægkan Finnmarhkesne daelie.
– Manne aavodem Anne Toriline barkedh, jïh daajram dïhte sæjhta vihkeles dåarjoem vedtedh barkose saemiedigkieraeresne daan boelhken, saemiedigkieraerie Aili Keskitalo jeahta.
Balto sæjhta barkoem aelkedh orrejaepien aalkoelisnie.
Dïhte ööhpehtimmiem åtna goh revisjovne jïh jienebh lissiestudijh åtna ekonomijestuvremen, årganisasjovnen jïh stuvremen sisnjelen. Daelie autoriseradamme finansielle raeriestæjjinbe barka Sparebankesne 1 Nord-Norge, seamma tïjjen goh maasterestudijumem galhkeminie Arktiske Universiteetesne Tromsøesne, Ekonomijestuvreme jïh strategeles stuvremisnie.
Gaskoehkrirresne, sæjjasadtje Gaskoehkrirrien sentraaleståvrose jih tjirkijebarkoeh åtneme gaskoehnyjsenæjjide Finnmaarhkesne. Baltoe aaj Gaskoehkrirrien saemiepolitihkeles raeresne orreme.
Jis gihtjehtjimmieh gaskesadth Anne Toril Balto, mobijle 41310027