Saemiedigkieraerie lea dåarjoem joekedamme saemien lidteratuvrebæjhkoehtimmide daan jaepien. Mahte 100 ohtsemh lin sïjse båateme aktine tjåenghkies ohtsemesummine medtie 25 millijovnh kråvnine. Daan jaepien lij ovrehte 6 millijovnh kråvnah lyjkeme saemien lidteratuvrese.
– Guhkiem noerelidteratuvren mietie gihtjeme saemien gïelesne, guktie daan jaepien libie veeljeme dam prioriteradidh. Dej ohtsiji gaskem dle daan jaepien göökte eevre fïerske tjaelijh mah dåarjoem åådtjeme sijjen maanusidie. Gåabpatjahkh lægan meatan orreme tjaelijestudijisnie, raerielïhtsege Mariann Wollmann Magga soptseste.
Saia Stueng lea meatan orreme tjaelijestudijisnie maam Saemiedigkie jïh Sámi Dáiddaráđđi/Sámi girjiečálli Searvi öörneme. Dïhte tjaala akten noere nïejten bïjre jïh altese dååjresi bïjre mearan jåarhkeskuvlesne vaadtsa. Gærja «Hamburgerprinseassa» lea noeride tjaaleme.
Edel Maret Gaino lea aaj meatan orreme tjaelijestudijisnie jïh sov gærjesne “Balddonasat vai veahkit” tjaala jeatjahlaakan, isveligke soptsesi bïjre mej vööste væljohts geasalgåvva. Gærja lea tjaaleme noeride, men sæjhta aaj hijven lidteratuvre årrodh geerve almetjidie.
Lissine dåarjoe lea vadteme bæjhkoehtimmide dovne orre maanagærjijste, diktegærjijste, guvvieseerijijstie jïh faagegærjijste.
Gaskem jeatjah maanagærja “Tjirrh /Čebo dåarjoem åådtjeme. Laila Mattsson Magga lea dam tjaaleme jïh aalkoemaanusem åtna dovne åarjel- jïh noerhtesaemien. Aaj Samuel Gæloken gærja maanide “Ruoppsisgállo”, aalkoemaanusinie julevsaemien gïelesne lea dåarjoem åådtjeme.
Ållesth bijjieguvvie dej ohtsemi bijjelen mah dåarjoem åådtjeme:
Govlehtallije: Raerielïhtsege Mariann Wollmann Magga, tlf. 97702350