Göölemedirektööre lea sjæjsjalamme doerskekvotide lissiehtidh 62oN noertege vïnhtside ræhpas mearoedåehkesne mah göölieh mearoegaedtien göölemekvotan sisnjelen 10 tonnigujmie fïerhten vïnhtsese, naemhtie guktie Saemiedigkie lea raeriestamme. Kvotalissiehtimmie faamoem åådtje daan biejjien raejeste njoktjen 31.b.
Raerielïhtsege Per Mathis Oskal Saemiedigkesne lea madtjeles sjæjsjalimmien åvteste jïh jeahta reaktoe lissiekvotam ræhpas dåahkan lissiehtidh, dan åvteste daelie tjöödtjestimmie maksimaale kvotagöölemisnie daennie dåehkesne seamma tïjjen goh jïjnje guelie gååvnese.
Minngemes tïjjen Saemiedigkie lea gellie gyhtjelassh göölijijstie daennie dåehkesne åådtjeme mah aktem lissiehtimmiem vaajtelamme daan jaepien lissiekvoteste mij lij 16 tonn. Saemiedigkie raeriesti Göölemedirektöörese lissiekvotam lissiehtidh 26 tonnese.
- Daate sæjhta gïjreboelhkem beerkedh gellide göölijidie mearoesaemien dajvine. Daate sæjhta aaj jïjnjh hijven jeatjah illedahkh vedtedh mearoesaemien dajvine jïh dovne baalhkam jïh voenges voenebyjresh hoksedh, raerielïhtsege Per Mathis Oskal jeahta.
Jis vielie bïevnesh sïjhth, govlehtallh Per Mathis Oskal, tell. +47 977 77 552.