– Åarjelsaemien healsoeviermie lea viermie saemien healsoebarkijijstie mij seammavyörtegs healsoedïenesji åvteste barka saemien årroejidie åarjelsaemien dajvesne. Viermie sæjhta maallem healsoedïenesjidie saemien årroejidie evtiedidh, mij maahta aevhkine sjïdtedh gaajhkide saemien årroejidie.
Healsoedïenesjh orrelaakan öörnedidh
Åejvieprosjekte edtja pryövedh vuejnedh mejtie dåaresthfaageles barkoedåehkie, gusnie saemien healsoebarkijh tjïeltine jih healsoesïeltine leah meatan, mah sjïerelaakan saemien skïemtjijh gorredieh, maahta akte vuekie årrodh healsoedïenesjh saemien årroejidie öörnedidh båetijen aejkien. Daate maalle lea skraejriem vaalteme Alaskeste/ South Central Foundation, gusnie aalkoealmetjh healsoeviehkiem vedtieh aalkoealmetjidie, jïh leah öörnedamme goh mikro-barkoedåehkie skïemtjiji/fuelhkiej bïjre. Åejvieprosjekten åvtelen lea daerpies åvteprosjektine, mij edtja soejkesjidh jïh våaromem bïejedh åejvieprosjektese.
Sametingsråd Mikkel Eskil Mikkelsen
– Såemies goerehtimmieh vuesiehtieh saemieh eah leah dan madtjeles healsoedïenesjigujmie goh jeatjah daaroeh, jïh vueliehkåbpoe leajhtadimmiem utnieh nöörjen healsoesuarkan. Dan åvteste hijven jïh vihkeles Åarjelsaemien healsoeviermie daelie barkojne nearhka healsoedïenesjh orrelaakan öörnedidh saemien årroejidie, jïh mijjieh sïjhtebe daate maalle maahta åvteguvvine årrodh healsoedïenesjidie gaajhkide saemien årroejidie, saemiedigkieraerie Mikkel Eskil Mikkelsen jeahta.
Gaavnedimmiesijjie saemien voeresidie Altesne
Saemiedigkieraerie aaj 280.000 kråvnah dåarjojne vadteme Álttá Siidan As kultuvregåatan, gaavnedimmiesæjjan saemien voeresidie Altan tjïeltesne. Dan åvteste nöörjen gïele jeenjemes åtnasåvva Altesne, Álttá Siida vuajna daerpies saemien gaavnedimmiesijjiem tseegkedh saemien voeresidie tjïeltesne, gusnie maehtieh saemiestidh, sinsitnine åahpenidh jïh jeatjah saemien voeresh gaavnedidh.
– Gaavnedimmiesijjie saemien voeresidie lea vihkeles råajvarimmie tråjjen jïh healsoen gaavhtan, jïh maahta viehkiehtidh dåeriesmoerh giehpiedidh mah leah ektiedamme healsose, gusnie fåantoe lea passiviteete, oktegsvoete, isolasjovne jïh depresjovne. Saemien voeresh daarpesjieh gaavnesjidh jïh maahta joekoen vihkeles årrodh dejnie dajvine gusnie ij leah dan gellie saemieh, Mikkelsen jeahta.
Jis dov leah gyhtjelassh jallh gihtjehtimmiem sïjhth, gaskesadth saemiedigkieraeriem Mikkel Eskil Mikkelsen, +47 917 42 161, mikkel.eskil.mikkelsen@samediggi.no