Saemiedigkie ij leah dagkerh lahtestimmieh vadteme aarebi, men daennie reektehtsisnie tjoevkesem beaja vihkeles gyhtjelasside mah leah sjyöhtehke gellide eatnemeskilkehtasside saemien dajvine. Daejnie dajvine saemien åtnoe jïh jielemh, gaskem jeatjah båatsoe jïh loesegööleme.
Saemiedigkie daejnie reektehtsinie sjïerereektijasse tjoevkesem beaja gellide joekoen sjyöhtehke aamhtesidie Nöörjesne, goh vuesiehtimmien gaavhtan gruvagïehtelimmie Fálesnuorisne/Kvalsundesne jïh bïegkejårrehtsebigkeme Fovsenisnie. Edtja sjïerereektijen reektehtsem EN:se buektedh ruffien 2019 åvtelen.
Vielie bïevnesh reektemen bïjre daesnie.