10.10 - 15:00
Saemiedigkieh gïeleseminaarem Inarisnie öörnedieh 9. -10-10 2019 dejtie mah saemien gïeligujmie berkieh; goh toelhke, jarkoestæjja jallh jeatjah gïelebarkojne. Seminaare öörnesåvva goh laavenjostoe saemiedigkiej gaskem Nöörjesne, Sveerjesne jïh Såevmesne, jïh Saemien Gïelegaaltije, jïh lea akte bielie saemiedigkiej barkoste EN:n gaskenasjonaale jaepiem aalkoealmetjegïelide våajnoes darjodh.
Aajkoe daejnie öörnedimmine lea maahtoem gïelebarkijidie dåarjoehtidh, nuepiem vedtedh gïeleaamhtesi bïjre gïengelåbpoe soptsestidh, jïh gyhtjelassh, nuepieh jïh haestemh goerehtidh mah leah toelhki, jarkoestæjjaj jïh gïelebarkiji laavenjasside ektiedamme. Seminaare aaj nuepiem vadta orre viermiem jïh ektiedimmieh laavenjostoen bïjre gïelebarkiji gaskem tseegkedh, jïh dam raastendåaresth laavenjostoem saemien gïelide nænnoestehtedh.
Saemiedigkieh aavoedieh gaajhkh gïeleïedtjeladtjh gïeleseminaarese bööredidh Inarisnie 9. – 10.10.2019.
Programmem jïh jeatjah bïevnesh seminaaren bïjre mænngan bæjhkoehtibie.
Bïeljelimmie seminaarese rïhpesåvva giesien 2019 mænngan.
Vielie bïevnesh:
Anne Kirste Aikio, mobijle. +358 40 7075626
Mikkel Rasmus Logje, mobijle: +47 412 65 375
Marie Louise Allas, mobijle +46 70-367 46 82