Dåeredh mijjen "tjaangesth"-vuesiehtimmine bïjre jarkan Saemiedigkesne Kárášjohksene ts. 13. dæjstaj, gaskevåhkoej jïh duarstaj, bielelen gosse Saemiedigkien lea stoerretjåanghkoe.
Stoerretjåanghkoeh 2020:
10. våhkoen: njoktjen 2. - 6. b.
24. våhkoen: ruffien 8. - 12. b.
42. våhkoen: golken 12. - 16. b.
49. våhkoen: gålkoen 30. b. - goeven 4. b.
Vuesiehtimmiegïelh leah nöörjen, saemien jïh eengelsken gïele. Fïerhte vuesiehtimmie bïjre jarkan ovrehte 30 minudth vaasa. Jeenjemes 25 almetjh maehtieh meatan årrodh aktene dåehkesne. Vuesiehtimmieh bïjre jarkan leah namhtah.
Sjïehtedamme faalenasse dåehkide
Skuvlelearoehkidie jïh -klaasside noeredaltesisnie jïh jåarhkeskuvline, siebride, institusjovnide jïh meedijidie mijjieh sjïehtedamme vuesiehtimmiem faalehtibie, aaj åenehks håalemh Saemiedigkien, saemiepolitihken jallh jeatjah sjyöhtehke teemaj bïjre. Mijjieh faalenassem sjïehtedibie reeremen barkoefaamoen jïh dan politihkeles barkoen mietie gåetesne.
Gaskesadth Govlesadtemegoevtesem jis dov lea sjïere daerpiesvoeth.
Ræhpas tjåanghkoeh
Tjåanghkoeh Saemiedigkien stoerretjåanghkosne jïh moenehtsinie leah ræhpas goltelæjjide. Stoerretjåanghkoe jïh moenehtsh fïereguhte ovrehte njieljie tjåanghkoeh utnieh fïerhten jaepien. Mearan tjåanghkoeh dellie Saemiedikgien byöpmedssijjie aaj ræhpas goltelæjjide.
Saemiedigkien gærjagåetie
Saemiedigkien gærjagåetie lohkemesijjide lea ræhpas gaskem ts. 09.00 jïh 15.30, jïh gaajhkesh dovnesh maehtieh dam nuhtjedh.
Gaskesadth Saemiedigkiem
Tellefovne: +47 78 47 40 00
samediggi@samediggi.no