SUPU tseegkesovvi goh ihkuve årgaane 2003. SUPU vïjhte lïhtsegh åtna jïh Saemiedigkieraerie dejtie nammohte. Lïhtsegh abpe laanteste båetieh jïh leah gaskem 16 jïh 28 jaepieh.
SUPU mandaatem jïh öörnedimmiem åådtjeme Saemiedigkien stoerretjåanghkoste. Dej åejvielaavenjassh leah
- viehkiehtidh noeri meatannænnoestimmiem jïh tsevtsemefaamoem Saemiedigkien politihkese nænnoestehtedh.
- soejkesjidh jïh öörnedidh Saemiedigkien fïerhten jaepien noerekonferansh.
- viehkiehtidh skreejrehtidh guktie jienebh saemien noerh leah eadtjohke politihkesne.
- barkedh ihke jienebh noerh jïjtjemse tjaelieh Saemiedigkien veeljemelåhkosne, juktie jienebh noerh leah meatan saemiedigkieveeljemisnie, jïh ihke jienebh noerh meatan sjidtieh Saemiedigkesne jïh digkien jeatjah ståvrojne jïh moenehtsinie.
SUPU aktem frijje råållam åådtjeme jïh maahta aamhtesigujmie barkedh mejtie jïjtjh tuhtjieh sjyöhtehke. Moenehtse jïh lïhtsegh maehtieh frijjelaakan meedijese soptsestidh jïh bæjjese vaeltedh doh aamhtesh mejtie sijhtieh jeatjah instansigujmie.
Moenehtse edtja goh gaskeselïhtse årrodh saemien noeri jïh Saemiedigkien gaskem, men aaj govlehtimmieinstanse jïh "vaeptiebienje" Saemiedægkan gosse lea noereaamhtesi biïre. Naemhtie SUPU maahta Saemiedigkiem viehkiehtidh digkien noereprofijlem jïh noerepolitihkem hammoedidh.
Govlehtallijh SUPU
SUPU 2018-2021:
Åvtehke: Ole Henrik Bjørkmo Lifjell
Lïhtsegh: Maja Fjellstrøm, Stine Ericsson Anti, Grethe Julianne Skum jïh Alfred Mikkel Kuoljok
Sæjjasadtjh: Laara Sparrok, Andine Knudtson, Kristine Ballari, Sajane Olsen, Katja Elise Utsi