Åpen søknadsfrist
Ræhpas ohtsememierie
Evtiedimmie- jïh skåårvemeråajvarimmie
Såemies evtiedimmieråajvarimmieh mah maehtieh beetnehdåarjoem åadtjodh:
- Orre doekemeåerieh (gaskeviermie, latjkoe bovrigujmie)
- Maarhkededoekemeråajvarimmieh
- Åestijegoerehtimmieh
- Viermieh bigkedh
- Teestadimmie dorjesijstie
- Maahtoem lissiehtidh
- Apph evtiedidh
- Jeatjah råajvarimmide. Gaskesadth raeriestæjjam juktie dam tjïelkesidh.
Daesnie såemies skåårvemeråajvarimmieh mah maehtieh beetnehdåaroem åadtjodh:
- Skåårvemh mah viehkiehtieh sïelten sjïdtedimmiem gorredidh. Tjoerh vihtiestidh man stoerre nuepie lea sjïdtedidh
- Ovmessie daataprogrammh / apph mah maehtieh sïeltem guhkiebasse viehkiehtidh
- Jeatjah råajvarimmide. Gaskesadth raeriestæjjam juktie dam tjïelkesidh.
Gïeh maehtieh dåarjoem åadtjodh:
Sïelth, tjïerth jïh siebrieh, årganisasjovnh jïh jeatjah aktöörh mah saemien fealadassine berkieh.
Dan jïjnjem maahtah dåarjojne åadtjodh:
- Raajan 50 % jååhkesjamme åasijste. Jååhkesjamme åasah leah mijjen mïelen mietie doh åasah datne maahta åasafaalenassine vihtiestidh.
- Jeenjemes dåarjoe lea 500 000 kråvnah
- Vöölemes dåarjoeraaste 30 000 kråvnah
- Saemiedigkie ij leah meatan prosjekth dåarjoeh man åasa-aarvehtse lea bijjelen 8 000 000 kråvnah
- Tjåenghkies byögkeles dåarjoe ij maehtieh bijjelen 60 % årrodh åasijste reeknehlåhkosne
- Jïjtse barkoe ij maehtieh bijjelen 20 % årrodh jååhkesjamme åasijste.
Krïevenassh:
- Tjoerh årganisasjovnenommerem utnedh
- Datne tjoerh daejredh gie dov åestije
- Tjuara ohtsemisnie våajnoes årrodh datne aktem daerpiesvoetem maarhkedisnie gaptjh
- Tjoerh åasafaalenassem baalte bïejedh (bielelen mva)
- Tjoerh gaajhkh åasah buerkiestidh jïh tjuara våajnoes årrodh guktie datne åaside gaavnehtamme
- Ryöknedimmie jïjtse baalhkeste jïh leejjeme jïjtse dalhketjijstie eah maehtieh maarhkedeåasan bijjelen årrodh
Govlehtallije: Raeriestæjja Kirsten Østby, tlf: +47 78 47 41 08
Oversikt over kommuner som er med i virkeområdet for tilskudd til næringsutvikling (STN-området)