Saemiedigkie lea laavenjostosne Rijhkeantikvaarine jïh Klijma- jïh byjresedepartemeentine damtijamme jïh registreradamme saemien gåetieh bigkeme jaepien 1925 åvtelen. Prosjekten aajkoe lea orreme bijjieguvviem åadtjodh vaarjelamme saemien gåetiej bijjeli Nöörjesne.
Prosjekteboelhken2011 raejeste lea registreradamme mahte 1000 gåetieh, Rørosen luvhtie åarjene Deatnun gåajkoe noerhtene.
Dæjstan mïetsken 29.b. galhkuvem dehtie saemien gåetieregistreradimmieprosjekteste mïerhkesjin Gállogieddi ålkoemuseumisnie Evenesen tjïeltesne. Kronprinse Haakon lij meatan mïerhkesjimmesne.
Guvvie: Sølve (5 jaepieh) jïh Sofie (5 jaepieh) plåamsterh Kronprinse Haakonasse geelkieh (Guvvie: Jan Roger Østby).
– Gállogieddi galhkuvem mïerhkesje aktede stoerre jïh vihkeles barkoste juktie mijjen saemien kultuvrehistovrijem vaarjelidh, Kronprinse Haakon jeahta sov håalemisnie.
– Akte stoerre barkoe lea dorjesovveme juktie vihtiestidh saemieh daejnie sijjine hööllestamme jïh saemien histovrijem - Deatnun luvhtie noerhtene Rørosen gåajkoe åarjene, Kronprinse Haakon jeahta.
Guvvie: Vuartasjæjjah Gállogieddi (Guvvie: Jan Roger Østby)
Saemien kultuvrem jïh histovrijen våajnoes dorje
Saemiedigkiepresidente Vibeke Larsen jeahta registreradimmieh viehkiehtieh saemien kultuvrem jïh identiteetem våajnoes darjodh dovne voengesne jïh abpe laantesne.
Larsen jeahta registreradimmiebarkoe lea veanhtadimmieh sjugniedamme, dovne gåetieaajhteri jïh voenges siebriedahki luvnie juktie gåetide gorredidh båetijen aajkan.
– Registreradimmiebarkoe lea våaromem bïejeme akten båetijen aejkien reeremasse gåetijste, jïh mijjieh tjoerebe Rijhkeantikvaarine jïh Klijma- jïh byjresedepartemeentine ektine daam vihkeles barkoem jåerhkedh, Larsen jeahta.
Guvvie: Mïerhkesjimmien sjïekenisnie Kronprinse Haakon aaj Borrem vaaksjoeji Skånlandesne. Desnie kronprinse lïerehtimmiem praktihkeles dåvvomebarkoen bïjre åadtjoeji. Borrisne aktem laaroem dåvvoeminie gaskoeh 1800-låhkoste. (Guvvie: Mia De Coninck)
Vihkeles barkoe
Rijhkeantikvaare Jørn Holme jeahta Saemiedigkie aktem joekoen stoerre barkoem dorjeme juktie damtijidh jïh registreradidh saemien gåetieh mah leah bigkeme jaepien 1925 åvtelen.
– Daelie saahtah bijjieguvviem dan bijjelen åådtjeme. Akte bijjieguvvie mij nuepie vadta daejtie gåetide hijvenlaakan reeredh. Mijjieh aktem daajroebaseradamme reeremem daarpesjibie, mejtie lea klijmapolitihken, sïejpen, mearoedajvi jallh saemien gåetiej bïjre, Rijhkeantikvaare Jørn Holme jeahta.
Hijven laavenjostoe
– Mijjieh gaajhkh gåetieaajhterh, laavenjostoeguejmieh jïh jïjtjevyljehke barkijh gijhtebe öörnedimmien sjïekenisnie Gállogieddesne jïh Borrisne, Larsen jeahta.
Saemiedigkiepresidente Vibeke Larsen jeahta Saemiedigkie lea abpe Saepmiem goerehtamme guvvieabparaatine, möölegebaantine jïh sjissapaehpierinie, gåetieh ovmessie vuekine vuajneme, almetjh råakeme jïh bïevnesh åådtjeme gåetiej bïjre.
(Guvvie: Jan Roger Østby)
Lohkh vielie:
http://www.kongehuset.no/nyhet.html?tid=157348&sek=26939
http://www.kongehuset.no/tale.html?tid=157347&sek=26947&scope=27247
http://www.riksantikvaren.no/Aktuelt/Nyheter/Markering-av-samiske-bygningsregistreringer
https://www.sametinget.no/Tjenester/Miljoe-areal-og-kulturvern#section-Samisk-bygningsvern