Evaluering av Sametingets søkerbaserte tilskuddsordninger for samisk språk.pdf 1,77 MB
Saemiedigkien dåarjoeöörnegh saemien gïelese dam saemien gïelebarkoem dåarjohte. Daate akte vuarjasjimmie vuesehte maam Norut Alta – Áltá lea dorjeme aktene laavenjostosne Nordlandforskning’ine Saemiedægkan.
Saemiedigkien dåarjoeöörnegh saemien gïelese dam saemien gïelebarkoem dåarjohte. Daate akte vuarjasjimmie vuesehte maam Norut Alta – Áltá lea dorjeme aktene laavenjostosne Nordlandforskning’ine Saemiedægkan.
Måantan 18.02.13 dle reektehtsem «Evaluering av Sametingets søkerbaserte tilskuddsordninger for samisk språk» bæjhkoehtamme sjïdti Saemiedigkesne.
Vuarjasjimmien ulmie lea aktem guvviem åadtjodh dovne guktie dåarjoedåastojh dåarjoem Saemiedigkeste nåhtadieh, jïh guktie Saemiedigkie jïjtje dejtie dåarjoeöörnegidie reerie.
Gïelebarkoem “sjïdtedahta”
Akte dejstie åejviekonklusjovnijste reektehtsisnie lea gïeledåarjoeh leah goh mij akt mij sjïdtedahta, mij vihth aktem sermiem gïelebarkoste sjugnede. Aktene stuerebe siebriedahkeperspektijvesne vuajneme, dle daate sermie hijvenlaakan jeatjah gïeleråajvarimmiejgujmie sjeahta jïh dejnie saemien gïelepolitihkine maam Saemiedigkie sietie. Vuarjasjimmie vuesehte dåarjoedåastjojh jeenjemasth tuhtjieh daate öörnege hijvenlaakan jåhta.
Gellide gïeleprosjektijste dle Saemiedigkie dïhte vihkielommes beetnehgaaltije. Dan åvteste dle öörnege vihkeles dovne evtiedæmman jïh voerkelæmman saemien gïeleste.
Raerielïhtsege Ellinor Marita Jåma jeahta Saemiedigkie sæjhta daam reektehtsem veele gïehtjedidh, juktie dïhte vihkeles sjædta gosse edtja Saemiedigkien dåarjoeöörnegh saemien gïelese bueriedidh.
-Saemien gïele lea garre dïedtegen nuelesne, jïh dan åvteste dle vihkeles Saemiedigkien gïelevierhtieh bööremeslaakan åtnasuvvieh. Dan åvteste vihkeles öörnegem vuarjasjidh juktie såemies bueriedimmieh öörnegistie gaavnedh, raerieslïhtsege Ellinor Marita Jåma jeahta.
Norut Alta – Áltá jïh Nordlandsforskning/Nordlánda dutkam leah vuarjasjimmiem ektesne tjïrrehtamme.
Senijovredotkije Eva Josefsen lea prosjekten åvtehkinie orreme daan barkose, maam dorjeme aktene laavenjostosne dotkije Áila Márge Varsi Balto’ne ektine Norut Alta – Áltá, jïh dotkije Marit Solstad Nordlandsforskning/Nordlánda dutkam.
Vielie bïevnesh.
Senijovredotkije Eva Josefsen, + 47 915 51 794 jïh raerielïhtsege Ellinor Marita Jåma, + 47 916 13 460.