Dïhte åehpies gievrie Bindaeleste lea akte jieniebistie histovrijes kultuvredaevierijstie maam maahta bååstede deelledh saemien museumidie Bååstede-prosjekten sjïekenisnie.
Gellie tjuetie jaepieh dotkijh jïh misjovnæærh saemien kultuvredaeverh sïjse tjöönghkeme. Daelie soejkesjeminie gievriem Bindaeleste Helgelaantesne bååstede deelledh Saemien Sijtese Snåasesne. Bindaelien-gievrie lea akte dejstie bööremes vaarjelamme gievrijste mah leah aajmene.
-Gievriem bååstede åadtjodh saemien aajhteridie lea joekoen vihkeles symbovle. Gievrieh leah vihkeles orreme aerpievuekien saemien religijovnesne gaskem jeatjah daajroem veedtjedh båetijen aejkien bïjre, saemiedigkieraerie Henrik Olsen jeahta. Daelie ajve naan gille gievrieh aajmene, ij guhte lea saemien aajhteri luvnie, jïh dan åvteste libie geerjene ihke gievrie bååstede deellesåvva, Olsen jeahta.
Lohkh vielie gievrien bïjre: https://no.wikipedia.org/wiki/Bindalstromma
Vaeltieh histovrijem bååstede
Jaepien 2012 Saemiedigkie aktem latjkoem darjoeji Norsk Folkemuseuminie jïh Kulturhistorisk museuminie bååstededeellemen bïjre vielie goh 2000 histovreles daevierijstie dejtie saemien museumidie.
http://www.sametinget.no/Kalender/Signering-av-avtale
http://www.sametinget.no/Arkiv/Valgperiode-2009-2013/Artikler/Samisk-kulturarv
Faatoes beetnehvierhtieh
Saemiedigkie lea gellie jaepieh birreme nöörjen åejvieladtjh beetnehvierhtieh dåarjodh bååstededeellemasse. Doh saemien museumh eah ekonomeles vierhtieh jïh teknihkeles konservatovremaahtoem jïh sijjieh utnieh daevieridie dåastodh.
-Edtjebe jïjtje maehtedh jïjtjemh kultuvreaerpiem reeredh. Daate akte reakta mijjieh goh aalkoealmetjh utnebe. Dan åvteste åejvieladtjh tjuerieh nuekies beetnehvierhtieh dåarjodh akten bååstededeellemasse saemien kultuvreaerpeste dejstie museumijstie Norsk folkemuseum jïh Kulturhistorisk museum (UiO), saemiedigkieraerie Henrik Olsen jeahta.
Stoerretjåanghkoe aamhtesem gïetede duarstan, skïereden 24.b. ts. 15.00 mænngan
Daesnie aamhtesepaehperh: http://innsyn.e-kommune.no/innsyn_sametinget_norsk/wfinnsyn.ashx?response=journalpost_detaljer&journalpostid=2015022757&
Vielie bïevnesh: Saemiedigkieraerie Henrik Olsen, 907 75 219
Lohkh vielie:
http://www.norskfolkemuseum.no/PageFiles/6823/B%C3%A5%C3%A5stede_Tilbakef%C3%B8ring+av+samisk+kulturarv.pdf
http://digitaltfortalt.no/things/bstede-tilbakefring-av-samisk-kulturarv/H-DF/DF.5392
Signy Norendal aktem tjaalegem tjaaleme "Bindalstromma" plaeresne Museumsnytt 1/2015.