Saemien kultuvremojhtesh, mijjen aerpie båetijen aajkan

-Saemien kultuvremojhtesh jïh gåetieh leah gïejh saemien åtnoste jïh ihke saemieh eatnamisnie orreme. Dan åvteste vihkeles saemien kultuvremojhtesh vaarjelidh, gorredidh jïh våajnoes darjodh båetijen aajkan, saemiedigkieraerie Thomas Åhrén jeahta.

Vaarjelimmie jïh reereme kultuvremojhtesijstie leah dan åvteste akte vihkeles bielie Saemiedigkien barkoste. Juktie mijjen jïjtse åvtetje tïjjem jïh histovrijem  reeredh Saemiedigkie sæjhta åejvieprinsihpide bïejedh. Akte orre saemiedigkiebïevnese saemien kultuvremojhtesevaarjelimmien bïjre lea dan åvteste vihkeles dan barkose dej jaepiej åvtese.

Vihkeles gyhtjelassh bïevnesisnie sæjhta gaskem jeatjah årrodh Saemiedigkien byjjes reeremefaamoen bïjre, 100-jaepien njoelkedassh saemien kultuvremojhtesidie kultuvremojhteselaakesne, daajroem bievnedh saemien kultuvremojhtesi bïjre jïh dej ekonomeles mieriej bïjre dan saemien kultuvremojhtesevaarjelæmman.

Konferanse sæjhta årrodh saemien, nöörjen jïh eengelsken gielesne (toelhken baaktoe). Konferanse aaj seedtesåvva ryöktesth Saemiedigkien nedtesæjroen baaktoe.

Svaalhtese:

https://www.youtube.com/watch?v=TvWydbK94t4

Konferanse lea ræhpas gaajhkesidie. Ij naan bïeljelimmiemaaksoe. Saemiedigkie gaskebeapmoem maaksa dejtie mah bïeljelamme dah edtjieh meatan årrodh konferansesne. Fïereguhte jïjtje maaksa vuelkemen, jïjjedimmien jïh gaskebiejjien åvteste.

Sijjie: Diehtosiida, Guovdageaidnu

Gåessie : 11. – 12.03. 15.

Bïeljelimmiesvaalhtese: https://www.berg-hansen.no/eventportal/?E=495&A=50202&Att=0&WebNo=1&Sec=QlcSflbnciNhfRti

 Programme

Gaskevåhkoen, njoktjen 11.b.

08:30   

 Program sørsamisk.docx 677,65 kB

  Registreradimmie

09:00     Rïhpestimmie seminaareste, raerielïhtsege Thomas Åhrén

Aamhtese 1: Histovrije jïh voenges gårreldimmie

09:15     Saemien kultuvremojhtesh jïh kultuvremojhteseaarvoeh, Randi Sjølie, seniorraeriestæjja, Saemiedigkie

09:45     Saemien kultuvremojhtesh jïh kultuvremojhteseregistreradimmie pijtesaemien dajvesne,    Knut jïh Toril Sivertsen, Pijtesaemien siebrie

10:45     Prïhtjege

11:00     Aerpievuekien daajroe viertiestamme saemien kultuvremojhtesigujmie, Anne Karen Hætta jïh Liv Østmo, Árbediehto-prosjekte, Saemien jïlleskuvle

11:30     Gyhtjelassh jïh lahtestimmieh

12:00     Gaskebeapmoe

Aamhtese 2: Kultuvremojhtesevaarjelimmien bïjre Nöörjesne jïh abpe Saepmesne

13:30     Gåetievaarjelimmien jïh dan haestemi bïjre, Olav Austlid, Tromsen Fylhkentjïelte

14:00     Saemien kultuvremojhtesh jïh kultuvremojhtesevaarjelimmie Såevmesne,  Eija Ojanlatva,
                 arkeologe, Sámi Museum Siida, Inari

14:30     Kultuvremojhtesevaarjelimmien bïjre Nöörjesne sïejhmelaakan jïh saemien kultuvremojhtesevaarjelimmien bïjre sjïerelaakan - vuajnoeh staaten sijjeste, Klijma jïh byjresedepartemeente jïh Rïjhkeantikvaare

15:30     Prïhtjege

16:00     Perspektijvh reeremasse. Tsiehkie, laavenjassh jïh dïedte - saemien museumh, laantebieliemuseumh jïh Saemiedigkie,Birgitta Fossum, direktööre, Saemien sijte, Snåase

16:30     Gyhtjelassh, lahtestimmieh jïh åeniedimmie

16:45     Galhkuve

19:00     Gaskebiejjie Thon hotellesne

Duarstan, njoktjen 12.b.

Aamhtese 3: Gåetievaarjelimmien jïh jeatjah vaarjelimmien bïjre

09:00     Saemien kultuvremojhtesi bïjre Sveerjesne jïh vuajnoeh jarkelimmien bïjre kultuvremojhteselaakesne  jaepeste 2014, Ewa Ljungdahl, prosjekten åvtehke, Gaaltije, Östersund

09:30     Vuajnoeh jïh åssjaldahkh vaarjelamme saemien gåetiej aajhterijstie, Anja Somby, Sirma jïh Unni Steinfjell, Raarvihke/Guovdageaidnu

10:30     Prïhtjege

10:45     Bïevnesh Nöörjen kultuvremojhtesefoenteste, Simen Bjørgen, direktööre, Nöörjen kultuvremojhtesefoente

11:00     Jienebekultuvrelle kultuvremojhtesevaarjelimmie,Sigrid Skarstein, Varanger museum

11:15     Gyhtjelassh jïh lahtestimmieh

11:45    Iktegieseme jïh galhkuve seminaareste,Sunniva Skålnes, goevtesedirektööre, Saemiedigkie

12:15     Gaskebeapmoe jïh dan mænngan vualkoe

Saemiedigkieraerie Thomas Åhrén, 908 39

http://www.saemiedigkie.no/Byjrese-areale-jih-kultuvrevarjelimmie/Kultuvremojhtesh

http://www.saemiedigkie.no/Byjrese-areale-jih-kultuvrevarjelimmie/Saemien-gaaetievaarjelimmie