Sijjie kåanste- jïh kultuvrebeagkoehtæmman
Ij naan ohtsememierie.
Dåarjoeöörnegen ulmie:
Saemien institusjovnh leah orrestimmeles jïh innovatijve beagkoehtæjjah saemien kåansteste, kultuvreste jïh kultuvreaerpeste jïh mah edtjieh skreejrehtidh evtiedidh jïh orrestidh saemien institusjovnh goh sijjieh kåanste- jïh kultuvrebeagkoehtæmman.
Dåarjoedåastojh öörnegasse:
Institusjovnh mah ryöktesth dåarjoem dåastoeh Saemiedigkeste 6. kap. bijjelen Kultuvre.
Maahta dåarjoem ohtsedh daejtie råajvarimmide goh:
- Dåarjoe darjoemidie mah sïejhme barkoen ålkolen båetieh maam gïehtelimsdåarjoe edtja maeksedh, jïh mij viehkehte saemien institusjovnh guhkiebasse evtiedidh.
- Daerpies jarkelimmide sjïehteladtedh saemien institusjovnijste
- Prosjekth/råajvarimmieh mah leah sjyöhtehke prosjektese Tråante 2017 jïh mejtie soejkesjeminie tjïrrehtidh 2017.
Krïevenassh ohtsemen sisvegasse jïh hammose
Ohtseme edtja tjaalasovveme årrodh Saemiedigkie ohtsemegoeresne, jïh edtja daatovem jïh nommevæhtam utnedh. Dïhte guhte sov nommevæhtam ohtsemisnie tjaala tjuara luhpiem utnedh dïedtem bïejedh institusjovnese. Ohtsije dïedtem åtna gaajhkh bïevnesh Saemiedægkan vedtedh mah leah daerpies juktie ohtsemem gïetedidh, aaj bïevnesh dagke jeatjah byögkeles dåarjoem åådtjeme.
Gaajhkide prosjektide edtja budsjedtem darjodh mij åasa-aarvehtsem vuesehte ektiedamme råajvarimmide jïh finansieradimmiesoejkesjasse, jïh prosjektebuerkiestimmie mij prosjekten tjïelke ulmieh, buerkiestimmiem, faageles sisvegem, soejkesjem åvtese ektiedamme jaksoemieride, dagke aaj beagkoehtimmie, voenges vïedteldimmie jïh prosjekten tjïrrehtimmievoete.
Aerviedimmienjoelkedassh
Dåarjoe vadtasåvva buerkiestamme ohtsemen jïh prosjektebuerkiestimmien mietie. Vöölemes dåarjoeraaste lea 10 000 kråvnah. Jeenjemes dåarjoe lea raajan 300 000 kråvnah.
Aamhtesereeremetïjje
Ohtsije maahta vaestiedassem veanhtadidh 3 askh mænngan mijjieh ohtsemem dååsteme, v. reeremelaakine § 11. Annjebodts bïevnese reeremeaamhtesisnie seedtesåvva eannan akten asken mænngan ohtsemem dååsteme.
