Maahta reaktam lïerehtæmman saemien gïelesne krïevedh abpe skuvlebaelien, aaj jalhts maana ij leah dejnie aalkeme voestes klaassesne. Saemien learohkh jåarhkelïerehtimmesne reaktam utnieh lïerehtimmiem saemiengïelesne faagesne saemien sæjhta, skuvlen lea dïedte lïerehtimmine faagesne nïerhkedh.
Gosse unnemes 10 learohkh aktene tjïeltesne, mah eah leah meatan saemien gïelen reeremedajvesne, lïerehtimmiem krievieh saemien gïelesne, skuvleaajhtere edtja hoksedh dagkarinie ööhpehtimminie aelkedh. Daate reakta ajve faamosne maadthskuvlen learoehkidie. Doh learohkh mah lïerehtimmiem åadtjoeh saemien gïelesne, edtjieh aaj lïerehtimmiem åadtjodh Maahtoelutnjemen - saemien mietie. Prinsihph lïerehtæmman - saemien lea faamosne dåahkan, jïh dah edtjieh lïerehtimmiem åadtjodh saemien parallell seammavyörtegsh learoesoejkesji mietie.
Dastegh learohkh jallh eejhtegh eah leah madtjeles saemien lïerehtimmine, dej lea reakta dam laejhtedh skuvleaajhterasse jïh Fylhkenålmese jïjtsh fylhkesne.