Søknadsfrist: 30.04.2020 23:59
Ohtsememierie:
- Ohtsememierie studijidie gïjreboelhken voerhtjen 30. b.
- Ohtsememierie studijidie tjaktjeboelhken rïhkeden 1. b.
Gïeh maehtieh stipenden bïjre syökedh?
- Studeenth jïlleskuvline jïh universiteetine Nöörjesne mah leah tjaalasovveme almetjeregisterisnie Nöörjesne jïh mah jollebe ööhpehtimmiem vaeltieh åarjelsaemien jallh julevsaemien gïelesne Nöörjesne jallh Sveerjesne
- Studeenth markasaemien dajveste mah leah tjaalasovveme Nöörjesne jïh mah jollebe saemien gïeleööhpehtimmiem vaeltieh jïlleskuvline jïh universiteetine Nöörjesne jallh Sveerjesne
- Studeenth mah eah leah tjaalasovveme almetjeregisterisnie Nöörjesne, men leah studeenth prioriteradamme studijumine jïlleskuvline jïh universiteetine Nöörjesne.
Stipendi stoeredahke:
- Maastere-jallh bachehorgraade fïerhten lohkemeboelhken kr 15 000
- Unnemes 30 studijepoengh fïerhten lohkemeboelhken kr 15 000
- Gaskem 15 jïh 29 studijepoengh fïerhten lohkemeboelhken kr 10 000
- Gaskem 10 jïh 14 studijepoengh fïerhten lohkemeboelhken kr 5 000
Ohtsemegoere:
Saemiedigkien digitaale ohtsemegoere edtja åtnasovvedh
Ohtsemegoere ohtsijasse mij ij leah almetjeregisterisnie Nöörjesne:
- Ohtsije mij ij leah registreradamme almetjeregisterisnie Nöörjesne – tjuara jïjtje gaskesem vaeltedh Saemiedigkine juktie sjïere ohtsemegoerem åadtjodh.
- Studente tjuara vuelietjaaleme ohtsemegoerem e-påastesne seedtedh ohtsememierien åvtelen – gïjreboelhken voerhtjen 1.b. jïh tjaktjeboelhken rïhkeden 1.b.
Vihtiestimmie mij edtja ohtsemem dåeriedidh:
- Vihtiestimmie datne leah studente dejnie studijisnie mïsse stipendem ohtsh, jïh man gellie studijepoengh datne eksamenen åvteste åadtjoeh.
- Vihtiestimmie datne leah jaepieboelhkemaaksoem maakseme dan maakseme jaepieboelhken åvteste.
Reekteme:
Stipendenjoelkedassine jollebe ööhpehtæmman jïjtsh nænnoestimmieh reektemen, gïehtjedimmien, bååstedemaaksoen jïh hiejhtemen bïjre stipendeste, gaskem jeatjah:
- Studente edtja vihtiestimmiem deelledh satne eksamenem gïjreboelhkese vaalteme rïhkeden/golken 1.b. åvtelen budsjedtejaepien.
- Studente edtja vihtiestimmiem deelledh satne eksamenem tjaktjeboelhkese vaalteme goevten 1.b. åvtelen minngeben budsjedtejaepien.
Eksamenevihtiestimmie seedtesåvva diekie samediggi@samediggi.no
Vielie bïevnesh stipenden krïevenassi bïjre:
Vuartesjh stipendenjoelkedasside.
Govlehtallije:
Anne Marie Hætta tlf. 78484258