Saemiedigkieraerie Ann-Mari Thomassen garmerde bransjebiejjiem ”Márkomeannu #hersko” Skånlandesne minngemes hïeljen. – Akte hijven öörnedimmie mij fokusem utni garmeres beapmoenaerpievuekine jïh orre nuepine åajvoeh beapmoeïebnigujmie, Thomassen jeahta.
Thomassen tjïerteste beapmoe åajvoehlaakan dam saemien kultuvrem vuesehte, dovne guhkede gietjeste jïh båetijen aajkan. Dïhte ojhte veanhta beapmoe-jïh beapmoe-ïebnh saemien tjöövkeste dïhte våarome sjædta akten båetijen aejkien jielemeevtiedæmman jïh darjoemasse abpe Saepmesne.
- Saemien beapmoe lea lïhkebistie, jïh naemhtie aaj vietseles byjresasse. Dïhte maahta aaj aktem histovrijem soptsestidh jïh maahta sjïere dååjresh vedtedh gosse niktesåvva aerpievuekien mieriej sisnjeli. Jïh ij leah naan juerie dïhte aktem kulinariske nuepiem åtna maam ij leah annje ellieslaakan nuhtjeme, Thomassen veanhta.
- Sïjhtem joekoen læhkoehtidh Máret Rávdna Buljo’m daan jaepien Sápmi Awardine altese hearskoes beapmoen åvteste mij våaromem åtna voenges beapmoevaarojne.
”Márkomeannu #hersko” 350 000 kråvnah dåarjojne åadtjoeji Saemiedigkieraereste. Öörnedimmie aaj aktem duedtiemaarkedem utni.