1. BOELHKE: ÅESTIJE- JÏH DORJESE-/DÏENESJEFOKUSE
Daan boelhken tseegkemedåarjoe maahta vadtasovvedh daase:
- Teestadimmie aktede dorjesistie/dïenesjistie/hypotesiste, jïh man vyljehke åestijh leah maeksedh
- Åestijegoerehtimmie- Daerpies dov dorjesinie/dïenesjinie?
- Åestijegoerehtimmie edtja vaastoem vedtedh akten dåeriesmoerese/daerpiesvoetese maarhkedisnie
- Datne jueriedisnie mah åasah mijjieh maeksebe, gaskesadth Saemiedigkiem
Krïevenassh:
- Buerkiestimmie destie mij edtja dorjesovvedh (jïjtse baalhka) boelhken tjuara ålman jïh åaside prosjektesne/råajvarimmesne ektiedidh.
- Sïelte lea registreradamme goh sïelte vaenebe goh 2 jaepiej juassah.
- Datne tjoerh årganisasjovnenommerem utnedh
- Ohtseme tjuara tjïelke ulmiem utnedh
- Åvtelen ohtsh byörh daejredh mejtie gaahtjijh jallh substituhth gååvnesieh. Dan bïjre tjoerh tjaeledh ohtsemisnie.
- Ohtsemisnie akte veele jïh hijven soejkesje edtja årrodh mij vuesehte maam edtjh darjodh fierhten asken. Daate våaroeminie sjædta jïjtjedh baalhkese.
Daam maahtah ohtsedh:
- Dåarjoe maahta vadtasovvedh unnebe skåårvemidie, men skåårvemh eah maehtieh åejvieåasine årrodh prosjektesne/råajvarimmesne.
- Jïjtse baalhka maahta årrodh 15 000 kråvnaj raajan fïerhten asken. Dastegh dov lea ellies- jïh/jallh bielietïjjenbarkoe, jïjtse baalhka maahta geahpanidh.
- Åestijefokuseboelhkese maehtebe dåarjoem vedtedh jïjtse baalhkese jeenjemes 9 askh.
- Jeenjemes dåarjoe fïerhten sïeltese (åestijefokuse jïh sjïdtedimmie) lea 400 000 kråvnah.
- Ih maehtieh ohtsedh gåabpagihtie boelhkeste seamma tïjjen.
- Ij gåaredh tseegkemedåarjoem ektiedidh jeatjah dåarjojne Saemiedigkeste.
- Tjoerh skaehtiem maeksedh tseegkemedåarjoste. Vuartesjh skatteetaten.no juktie vielie bïevnesh åadtjodh
2. BOELHKE: EVTIEDIMMIE- JÏH SJÏDTEDIMMIEBOELHKE
Daan boelhken tseegkemedåarjoe maahta vadtasovvedh daase:
- Dov maarhkedem daennie laantesne jïh/jallh ålkoelaantesne vijriedidh
- Evtiedimmie orre dorjesijstie jïh dïenesjijstie fokusinie lissiehtamme aarvoeh sjugniedidh
- Tjïelkebe profijle
- Sïeltemaallem bueriedidh. Datne daarpesjh tjïelkesidh mejtie sïeltemaalle lea reaktoelaakan sjïehtesjamme dan maarhkedese man sisnie leah.
- Datne jueriedisnie mah åasah mijjieh maeksebe, gaskesadth Saemiedigkiem.
Krïevenassh:
- Mijjieh sïelth prioriteradibie mah fokusem utnieh elliesjaepien barkoesijjiem sjugniedidh. Soejkesje dïsse tjuara meatan vaaltasovvedh ohtsemisnie.
- Buerkiestimmie destie mij edtja dorjesovvedh (jïjtse baalhka) boelhken tjuara ålman jïh åaside prosjektesne/råajvarimmesne ektiedidh.
- Tjoerh aktem gïehtelimsbudsjedtem baalte bïejedh dejtie mubpide 3 jaepide. Gïehteldimmiebudsjedtesne tjuara sïjsedïenestem doekemistie sjïerelaakan neebnedh.
- Sïelte lea registreradamme goh sïelte vaenebe goh 4 jaepiej juassah.
- Tjoerh årganisasjovnenommerem utnedh
- Ohtseme tjuara tjïelke ulmiem utnedh
- Dov leah syjhtedassh sjïdtedimmiem sjugniedidh
- Datne tjoerh dov nuepieh våajnoes darjodh
- Dov akte tjïelke strategije guktie edtjh sjïdtedimmiem sjugniedidh
- Ohtsemisnie akte veele jïh hijven soejkesje edtja årrodh mij vuesehte maam edtjh darjodh fïerhten asken. Daate våaroeminie sjædta jïjtjedh baalhkese.
Daam maahtah ohtsedh:
- Dåarjoe maahta vadtasovvedh unnebe skåårvemidie, men skåårvemh eah maehtieh åejvieåasine årrodh prosjektesne/råajvarimmesne.
- Jïjtse baalhka maahta 15 000 kråvnah raajan fïerhten asken. Dastegh dov lea ellies- jïh/jallh bielietïjjenbarkoe, jïjtse baalhka maahta geahpanidh.
- Sjïdtedimmieboelhkese maehtebe dåarjoem vedtedh jïjtse baalhkese jeenjemes 9 askh.
- Jeenjemes dåarjoe fïerhten sïeltese (åestijefokuse jïh sjïdtedimmie) lea 400 000 kråvnah.
- Ih maehtieh gåabpagihtie boelhkeste ohtsedh seamma tïjjen.
- Maahtah ryöktesth sjïdtedimmieboelhkese ohtsedh jïh ih tjoerh voestegh åestijefokusedåarjoem åadtjodh juktie maehtedh dïenesjem åadtjodh, dastegh krïevenassh leah illeme.
- Dastegh ryöktesth sjïdtedimmieboelhkese ohtsh tjoerh vihtiestimmiem åestijefokusistie baalte bïejedh.
- Ij gåaredh tseegkemedåarjoem ektiedidh jeatjah dåarjojne Saemiedigkeste.
- Tjoerh skaehtiem maeksedh tseegkemedåarjoste. Vuartesjh skatteetaten. no juktie vielie bïevnesh åadtjodh.
Govlehtallije: Raeriestæjja Kirsten Østby, tlf: + 47 78 47 41 08