Jis edtja dongkedh jallh löönedh Saemiedigkien gærjagåeteste tjoerh tjaalasovveme löönijinie årrodh gærjagåetesne. Gaajhkesh mah leah tjaalasovveme goh årroje Nöörjesne maehtieh löönemekåarhtem mijjeste åadtjodh. Gosse löönemekåarhtem darjoeh, dellie dov nomme, påastesijjie, reakedsbiejjie jïh persovnenommere tjaalasuvvieh. Dov gærjagåetiekåarhte lea persovneles jïh PIN-kodine ektine åtnasåvva. Maahta daam kåarhtem aaj jeatjah gærjagåetine Nöörjesne nuhtjedh.
Gaajhkh maanah maehtieh löönemekåarhtem åadtjodh, men almetjh nuelelen 15 jaepieh tjuerieh tjaaleldh luhpiem utnedh eejhtegijstie jallh dejstie mah eejhtegi åvteste. Gosse 15 jaepieh illeme maahtah gærjagåetiekåarhtem jïjtje darjodh.
Jis ih Tjåenghkies löönemekåarhtem sïjhth, tjoerh saarnodh datne ih sïjhth dov adressebïevnesh vöörhkesuvvieh dennie åejvielöönemeregisterisnie. Soptsesth dam dåastovesijjesne jïh datne sïjhth löönemekåarhtem åadtjodh maam ajve maahtah nuhtjedh daennie gærjagåetesne.
Statusen nuelesne maahtah vuejnedh mejtie maahtah orrestidh jallh ij. Datne maahtah dov gærjide jïjtje orrestidh 10 aejkieh. Dastegh gærja lea orrestamme 10 aejkieh, jallh naaken gærjam vuertieminie, ih sïjhth svaalhtesem åadtjodh gusnie tjåådtje Forny.
Datne tjaangh viehkine diedtedh ”Logg på” bijjielisnie åelkies roenesne. Saemiedigkien gærjagåetie ij leah akte dejstie veeljemijstie tjaangemesæjrosne. Datne tjoerh BIBSYS veeljedh goh institusjovne. Dellie tjoerh tjaangedh dov löönije-ID:ine jïh BIBSYS-tjeakoesbaakojne.
Jis ih tjeakoesbaakoem utnieh maahtah dam daennie sæjrosne dongkedh.
Guktie tjeakoesbaakoem darjodh:
Saemiedigkien gærjagåetie gærjapaahkh (depot) gærjagåetide lååjkede.
Gaajhkh gærjagåetieh maehtieh gærjapaahkh mijjen luvnie löönedh. Mijjen akte stoerre våarhkoe dovne faagelidteratuvreste jïh tjiehpieslidteratuvreste maanide jïh geerve almetjidie, dejnie joekehts saemien gïeline. Lissine lååjkedibie DVD, CD jïh tjoejegærjah. Mijjieh gaajhkem tjåanghkan bïejebe löönijen/gærjagåetien vaajtelassen mietie. Gåarede guhkies boelhkem löönedh.
Goevten 6.b.lea saemiej åålmegebiejjie. Daan beajjan maehtebe gærjapaahkh darjodh gærjagåetide, skuvlide jïh maanagïertide. Mijjieh lååjkedibie skuvlide jïh maanagïertide lïhkemes almetjegærjagåetien baaktoe. Mijjen akte stoerre CD-våarhkoe joejkigujmie jïh saemien musihkine.
Magasijnesne aaj VHS-filmh jïh musihkekasedth mejtie gåarede löönedh.
Gaatesjen dle vaenie filmh mah leah maanide sjïehtedamme. Bielelen doh filmh mejtie lååjkedibie NORWACO-latjkoen tjïrrh mijjen goevtesisnie Guovdageaidnusne. Daejtie filmide ajve maanagïertide jïh skuvlide lååjkedibie mah leah tjïeltine mah leah NORWACO-lïhtsegh.
Govlesadth mijjine. E-påaste: sambib@samediggi.no, Tell: 78 47 40 00