Guovdageaidnun noereskuvle soejkesje laavenjostoem tseegkedh aktine båatsoesïjtine. Sïjte edtja akte ihkuve båatsoesïjtine sjïdtedh skuvlese, gusnie learohkh lohkehtæjjajgujmie ektine maehtieh mïnnedh båatsoen jïh verddestallan bïjre lïeredh jïh lïeredh mejnie akte verdde dåarjede båatsoen ektiedimmesne. Learohkh edtjieh meatan årrodh dejnie jeanatjommes darjoeminie jïh laavenjassine guktie doh ovmessie barkoeh båatsosne dorjesuvvieh akten båatsoejaepien tjïrrh.
Dah edtjieh prosjekten darjomesh jïh darjomh filmadidh jïh filmide learoevierhtine evtiedidh, mah seamma tïjjen aaj dokumentasjovnine sjidtieh guktie lïerehtimmiesijjie maahta klaassen tjiehtjielistie sertesovvedh.
Duedtie dej jeanatjommesi faagi sïjse
Guovdageaidnun noereskuvle edtja aaj learoehkidie lïerehtidh ovmessie duedtievuekiejgujmie åahpenidh dovne noerhte,- julev- jïh åarjelsaemien dajvijste. Lohkehtæjjah edtjieh åahpenidh jïh aelkedh aarvoem bïejedh duedtielïerehtæmman gaajhkine faagine juktie dan saemien skuvlen sisvegem jïh learohki aerpievuekien daajroem eevtjedh.
Duedtielïerehtimmie edtja sijjiem åadtjodh dejnie jeanatjommes skuvlefaagine, vuesiehtimmien gaavhtan learohkh edtjieh matematihkem guarkedh duedtien tjïrrh. Skuvle edtja Saemien jïlleskuvline jïh jeatjah duedtieaktöörigujmie laavenjostedh, mestie iemie maahtoem veedtjedh.
– Vihkeles aerpievuekien daajroem skuvlesne nænnoestehtedh
Saemiedigkieraerie Juhána Biera Biret Márjá/Berit Marie P.E. Eira jeahta gåabpegh prosjekth leah vihkeles dåarjoehtæjjah mah vuesiehtieh guktie maahta aerpievuekien daajroem lïerehtidh skuvlesne.
– Mijjen mïelen mietie lea vihkeles aerpievuekien daajroem skuvlesne nænnoestehtedh. Prosjekte viehkehte saemien gïelem jïh identiteetem evtiedidh jïh aerpievuekien daajroem lïerehtidh, gosse learohkh praktihkeles laavenjassi jïh darjomi tjïrrh sijhtieh saemien baakoeh jïh baakoetjïerth saemien båatsoen sisnjelen lïeredh.
Eira jeahta saemien skuvlh edtjieh saemien sisvegem utnedh gusnie learohkh maehtieh damtijidh jïh jïjtjemse identifiseradidh sijjen saemien kultuvreaerpine jïh saemien gïeline.
– Nov lea gosse learohkh daagkeri prosjektigujmie berkieh dah lierieh sijjen saemien identiteetem jïh saemien kultuvreaerpiem garmerdidh, jïh jearsoes sjidtieh sijjen identiteetesne, Eira jeahta.
Dastegh gyhtjelassh jallh gihtjehtimmieh, gaskesadth saemiedigkieraeriem Juhána Biera Biret Márjá/Berit Marie P.E. Eira, mob. +47 913 28 626
Bilder av sametingsrådet og/eller sametingsråd Berit Marie P.E. Eira