Saemiedigkie 48,4 mill. kr guektiengïelevierhtine dåårje tjïeltide jïh fylhkentjïeltide reeremedajvesne. – Madtjeles vuejnedh tjïelth jïh fylhkentjïelth dïedtem vaeltieh, jïh saemien gïeline berkieh jïh evtiedimmieråajvarimmieh soejkesjieh, saemiedigkiepresidente Aili Keskitalo jeahta.
-Tjïelth jïh fylhkentjïelth leah vihkeles gïeleevtiedimmiebarkosne, dan åvteste dah dïedtem utnieh dïenesjh dan aktegs almetjasse faalehtidh, jïh aaj dejtie dïenesjidie saemien gïelesne faalehtidh, Saemiedigkien presidente Aili Keskitalo jeahta.
Laavenjostoelatjkoeh
Saemiedigkie lea 32,4 mill. kråvnah dåårjeme tjïeltide jïh fylhkide goh betnie- jïh gagkestimmiebielie mejtie edtja nåhtadidh juktie saemielaaken gïelenjoelkedassh tjïrrehtidh.
Saemiedigkie lea aaj evtiedimmiebieliem lyjhkeme 10,8 mill. kråvnine tjïeltide, jïh 1,2 mill. fylhkentjïeltide budsjedtesne. Edtja daejtie vierhtide nuhtjedh juktie åtnoem saemien gïeleste evtiedidh tjïeltine jïh fylhkentjïeltine.
Guovdageaidnu 7 689 521 kr
Karasjohke 7 482 602 kr
Deatnu 4 984 922 kr
Porsanger 4 534 196 kr
Unjarga 3 512 327 kr
Kåfjord 3 658 580 kr
Divtasvuodna 2 422 030 kr
Snåase 2 827 962 kr
Lavangen 3 216 859 kr
Raavrevihke 2 500 000 kr
Finnmaarhken fylhkentjïelte 1 356 250 kr
Troms fylhkentjïelte 1 201 250 kr
Nordlaanten fylhkentjïelte 1 356 250 kr
Noerhte-Trööndelagen fylhkentjïelte 1 186 250 kr
Saemiedigkie lea laavenjostoelatjkoeh dorjeme gaajhki tjïeltigujmie jïh fylhkentjïeltigujmie mah leah meatan reeremedajvesne, åtnoen bïjre guektiengïelevoetevierhtijste. Daah latjkoeh jååhkesjamme sjïdtin goevten 2012.
Dah latjkoeh våaroeminie utnieh dah dïedth tjïelth jïh fylhkentjïelth utnieh saemielaaken gïelenjoelkedassi mietie. Edtja evalueradidh laavenjostoelatjkojde Saemiedigkien jïh fylhkentjïelti gaskem åtnoen bïjre guektiengïelevoetevierhtijste jaepien 2015.