Heevehtimmiemotijve beetnegisnie lea hammoedamme dehtie saemien guvvietjiehpiedæjjeste Annelise Josefsen jïh nommem «Vekselvirkning» åtna. Aajkoe lea ektiespïelem faamoej gaskem vuesiehtidh. Symbovlh leah saemien mytologijeste veedtjeme, jïh frijjelaakan tjåanghkan bïejesovveme gelliej væhtajgujmie saemien gievreste.
Beetnegen åvtebielesne portrehte gånkeste Harald V, guktie lea åtnasovveme sirkulasjovnebeetneginie sjïerevæhtine dej minngemes jaepiej. Ingrid Austlid Rise, hammoedæjja Det Norske Myntverkesne, lea motijvem hammoedamme.
Bæjhkoehtimmie heevehtimmiebeetnegistie lea Scandic Nidelven hotellesne, Havnegt 1 Tråantesne, goevten 7.b. ts. 11.00.
Beetnege bæjhkoehtamme sjædta «Tråante 2017»-heevehtimmien sjïekenisnie Tråantesne.
Öörnedimmie akte laavenjostoe gaskem Saemiedigkie, Åarjel-Trööndelagen Fylhkentjïelte, Noerhte-Trööndelagen Fylhkentjïelte jïh Tråanten tjïelte.
Programme
Ts. 11.00 – 11.20
Saemiedigkien direktööre Rune Fjellheim buerie båeteme vaajtele
Håaleme, mubpie sentraalebaanghkenåejvie Jon Nicolaisen
Geelkeme heevehtimmiebeetnegistie
Håaleme, aarebi saemiedigkiepresidente jïh åejviemoenehtsen åvtehke Aili Keskitalo
Håaleme, tjiehpiedæjja Annelise Josefsen
Boelhke preessese
Govlehtallijh:
Therese Riiser Wålen, govlesadtemen åvtehke Nöörjen Baanghke, Tell: 94 05 08 86
Jan Roger Østby, goevtesedirektööre Saemiedigkien govlesadtemegoevtesasse, tell: 48 14 46 96
Nuepie gååvnese beetnegh låtnoehtidh bæjhkoehtimmien mænngan