Bijbele –lea gærja

Bijbele greesken gïeleste båata jïh baakoe lea gærja. Bijbelisnie jienebh gærjah. Bijbele lea juakeme gööktine åejviebieline – Dïhte båeries testamente (39 gærjah) jïh Dïhte orre testamente (27 gærjah). Bijbele aaj gohtjesåvva dïhte Aejlies tjaalege. Dïhte båeries testamente sopsteste maam Jupmele darjoeji aarebi Jeesuse reakasovvi. Dïhte orre testamente soptseste Jupmelen darjoej bïjre mænngan Jeesuse reakasovvi. Bijbelisnie vaajesh, poesije, mievriestimmieh, saalmh, soptsesh, Jeesusen onterdimmieh, prievieh jïh mij edtja båetijen biejjien heannadidh.
 

Joekehts almetjijstie

Bijbele lea tjaaleme jïjnjh joekehts almetjijstie joekehts boelhkijste, dovne profeeth, vaentjelæjjah jïh apostelh. Vielie goh 1000 jaepieh vaasin eannan abpe bijbele lij tjaalaldihkie. Mah soptsesh Bijbelisnie datne tuhtjh tjaebpies?
 

Jarkoestamme saemiengïelese

Bijbele lea 341 gïelide jarkoestamme. Dïhte orre testamente voestes aejkien trygkesovvi noerhtesaemien gïelesne 1840. Daajrah mejtie bijbele jarkoestamme noerhtesaemien, julevsaemien jallh åarjelsaemien gïelide? Dïhte voestes saemien hearra, Anders Porsanger jarkoesti bielieh Dehtie orre testamenteste noerhtesaemien gïelese. Daajrah mejtie jeatjah saemieh meatan orreme bijbelem jarkoestidh?
 

Akte låavthgåetie dovne årromesijjie, byöpmedimssijjie jïh akte sijjie ektievoeten gaavhtan. Akte låavthgåetie suajam vadta jïh vååjnoe goh almetji vaanterdimmie jïh ulmie. 

 

Bijbelisnie lohkebe nomaden almetjetjierti bïjre mah låavhtgåetesne årroejin. Tjåådtje Abrahamen bïjre, mij låavthgåetesne årroeji Isakinie jïh Jakobinie ektine (Hebr. 11.9), jïh Mosesen bïjre mij låavthgåetiem tseegki leejren ålkolen (2. Mos 33,7). 

 

Dah otnerassh aktene låavhtgåetesne maehtieh Aehtjiem, Baerniem jïh Dan Aejlies Voejkenem årrodh. Jïh doh jeatjah deakehkh leah almetjh mah sijjen jieledh dejnie bigkieh.