Dïhte Aejlies Voejkene
Dïhte golmenektievoeten Jupmele
Jupmele lea akte, bene seamma tijjen golme almetjh. Jupmelinie ektine, lea Baernie jïh Dïhte Aejlies Voejkene mij lea dïhte gåalmede almetje golmenektievoetesne. Gosse Jeesuse kristesovvi, Dïhte Aejlies Voejkene dan aatsolen bööti. Dïhte bijbelen lahtese ”voejkene” sæjhta jiehtedh biegke mij svæhtja. Dan ulmie maahta årrodh dovne voejkene, biegke jallh tjuvjie. Ibie biegkem vuejnieh, ibie daejrieh gubpede båetieh, jïh ibie daejrieh gåabph vuelkieh.
Ibie maehtieh darhkh Dam Aejlies Voejkenem vuejnedh.
Jupmelen syjhtede
Jupmele mijjen lïhke dan Aejlien Voejken tjïrrh. Dïhte Aejlies Voejkene lea gaajhkem lehkiem. Kristegassjine årrodh lea baajedh dam Aejlies Voejkenem datnem stuvredh. Gosse bijbelem lohkh, dïhte Aejlies Voejkene datnem viehkehte guarkedh maam lohkh. Gosse Jupmelem dïenesjh, dellie dïhte Aejlies Voejkene dutnjien garhkh jïh gieriesvoetem vadta, datnem mavvas dorje jïh datnem leara maam daarpesjh.
Biegke
Ibie biegkem vuejnieh, bene govlebe biegke sjåvva jïh vuejnebe moerh svihtjieh gosse beagka. Bovtse lea eatnamistie naemhtie dorjeme, dïhte iktegisth vualka biegken vööste, ij goh dannasinie dïhte neahkoe biegken vööste, bene dannasinie dïhte vihkeles bïevnesh biegkeste åådtje. Biegke hapsenassh juvrijste buakta mah håvhtadieh, jallh hijven gåatomi bïjre såårne. Dïhte Aejlies Voejkene lea goh biegke – dïhte ov-våajnoes, dïhte geajnoem vuesehte, jïh Jupmele mijjem birrie disse goltelidh.
Dålle
Pænstabiejjien dïhte Aejlies Voejkene vååjnesasse bööti goh dållen-skomtjelh mah learoehkide tjïhkedin. Dïhte Aejlies Voejkene dan sisnie orre mij Jupmelem jaahka, guktie mijjieh buelebe Jeesusasse.
Duvvege
Gosse Jeesuse kristesovvi, dïhte Aejlies Voejkene sov aatsolen bööti goh akte duvvege. Duvvege akte raeffievæhta. Dïhte Aejlies Voejkene mijjese raeffiem vadta jïh mijjen jaahkoem, håhkoem jïh gieriesvoetem bæjjese bigkie.
Geerve veele daejredh guktie dïhte Aejlies Voejkene lea. Ibie maehtieh dam vuejnedh. Soptsesovveme Dïhte Aejlies Voejkene dorje mijjieh lastoem åadtjobe rohkelidh. Mijjieh lastoem åadtjobe maam akt njaelkies darjodh jeatjabidie. Mijjieh sïjhtebe tråjjadimmiem sjugniedidh mijjen bïjre. Mijjieh sïjhtebe gieriesvoetem jïh håksoem vuesiehtidh jeatjabidie. Mij lea dïhte Aejlien Voejkene dutnjien?
Sisvegen bïjre
Akte låavthgåetie dovne årromesijjie, byöpmedimssijjie jïh akte sijjie ektievoeten gaavhtan. Akte låavthgåetie suajam vadta jïh vååjnoe goh almetji vaanterdimmie jïh ulmie.
Bijbelisnie lohkebe nomaden almetjetjierti bïjre mah låavhtgåetesne årroejin. Tjåådtje Abrahamen bïjre, mij låavthgåetesne årroeji Isakinie jïh Jakobinie ektine (Hebr. 11.9), jïh Mosesen bïjre mij låavthgåetiem tseegki leejren ålkolen (2. Mos 33,7).
Dah otnerassh aktene låavhtgåetesne maehtieh Aehtjiem, Baerniem jïh Dan Aejlies Voejkenem årrodh. Jïh doh jeatjah deakehkh leah almetjh mah sijjen jieledh dejnie bigkieh.
Velg emne:
