Bijbelisnie rohkelassen bïjre tjåådtje. Tjåådtje Jupmele sæjhta mijjieh edtjebe rohkelidh, jïh tjåådtje dïhte mijjen rohkelassh gåvla.

 Datne maahtah rohkelidh jalhts datne ih maam utnieh jiehtedh. Dïhte mij lea vihkeles lea Jupmele dåajvoehtamme mijjen lïhke båetedh gosse rohkelibie.
Datne maahtah reegkes gïeline jallh sjeavohts rohkelidh
Datne maahtah tjåarvodh jïh klååkedh
Datne maahtah gijhtedh
Datne maahta håatjedh
Datne maahtah jiehtedh dam maam ih guarkah
Datne maahtah viehkien mietie gihtjedh
Datne maahtah båehtjierdimmien bïjre rohkelidh
Datne maahtah soelkedimmien bïjre rohkelidh
Datne maahtah soelkehtassen bïjre rohkelidh
Datne maahtah ajve soptsestidh
Datne maahtah oktegh jallh jeatjabigujmie rohkelidh
Datne maahtah bijbelem nuhtjedh gosse rohkelh – goh Saalmh Dennie båeries testamentesne
Datne maahtah Aehtjie mijjen rohkelidh

Datne maahtah dov Jeesuse-rohkelassem rohkelidh gosse voejngem sigkh jïh luajhtah: Hearra, Jeesuse Kristuse vedtieh munnjien åårmegem, akte sådtere
Datne maahtah jeatjah almetji åvteste rohkelidh
Datne maahta Jupmelem birredh datnem vuesiehtidh maam edtjh darjodh
Datne maahtah raeffien bïjre rohkelidh

 

Datne maahtah abpe dam læstoem hiejhtedh jïh ajve jiehtedh: ”Jupmele” jïh dle jieledh jïh iehtsedh. Goh akte Jupmelen maana.

Goltelh jïh lohkh Ann Mari Andersen laavlomem.

Mij lea joekehtse rohkelassen jïh laavlomen gaskem? Maahta laavlodh akte vuekie årrodh rohkelidh? Guktie kristegassjh abpe veartenisnie håhkoem steeredh jïh aktem hijven Jupmelem jaehkedh, gosse dan jïjnje isvelihke veartenisnie?

Akte låavthgåetie dovne årromesijjie, byöpmedimssijjie jïh akte sijjie ektievoeten gaavhtan. Akte låavthgåetie suajam vadta jïh vååjnoe goh almetji vaanterdimmie jïh ulmie. 

 

Bijbelisnie lohkebe nomaden almetjetjierti bïjre mah låavhtgåetesne årroejin. Tjåådtje Abrahamen bïjre, mij låavthgåetesne årroeji Isakinie jïh Jakobinie ektine (Hebr. 11.9), jïh Mosesen bïjre mij låavthgåetiem tseegki leejren ålkolen (2. Mos 33,7). 

 

Dah otnerassh aktene låavhtgåetesne maehtieh Aehtjiem, Baerniem jïh Dan Aejlies Voejkenem årrodh. Jïh doh jeatjah deakehkh leah almetjh mah sijjen jieledh dejnie bigkieh.