Baajh dov nommem aejliestovvedh
Mijjieh vienhtebe Jupmelen Aehtjie lea mijjen Elmien aehtjie, mij mijjem sjugniedamme jïh mijjem damteme aarebi mijjieh reakasovvimh. Dïhte gaajhkem mijjen bïjre daajra, ij leah gåessieh gænnah guhkede mijjeste, jïh dïhte mijjem eahtsa. Gaajhke maahta aejlies årrodh, jallh ajve sjïere aath? Elmien aehtjien nomme aejlies, jïh edtja stoerre jïh aejlies mijjen luvnie årrodh. Mijjieh edtjebe Jupmelen nommem earoehtidh, mij edtja abpe earoem jïh gyjhtelassh utnedh. Dïhte faamohke, jïh gaajhkem maam utnebe satne mijjese vadteme. Varki heannede mijjieh almetjh Jupmelen nommem båajhtoelaakan nåhtadibie – dam jiehtebe bielelen ussjedidh maam jiehtebe jïh mannasinie. Jupmelen nomme edtja aejlies årrodh. Edtjem Jupmelen nommem nåhtadidh, bene ajve jiehtedh ”Jupmele” jallh ”Jeesuse” gosse soptsestem Jupmielinie, gosse rohkelem.
Saemien vuekien mietie lea nommem vedtedh vihkeles. Betnesne veanhta dïhte nomme sjïere jïjtsevoeth guadta. Akte vuekie orreme maana nommem åådtje maadtoeladtjijstie, dejnie vaajtelinie maadtjoeladtjen jïjtsevoete maanese båata. Maahtah gaavnehtidh mejtie naaken dov fuelhkesne nommem åådtjeme aktede maadtoeladtjeste, jïh mejtie dan jïjtsevoeth vihkeles orreme gosse nomme veeljesovvi?
Åtna neebnetjh leah aktene rituelle ektiedimmesne. Nomme akte væhta dan ov-våajnoes baantese sjædta dej gaskem.
Saemien vuekien mietie lea nommem vedtedh vihkeles. Betnesne veanhta dïhte nomme sjïere jïjtsevoeth guadta. Akte vuekie orreme maana nommem åådtje maadtoeladtjijstie, dejnie vaajtelinie maadtjoeladtjen jïjtsevoete maanese båata. Maahtah gaavnehtidh mejtie naaken dov fuelhkesne nommem åådtjeme aktede maadtoeladtjeste, jïh mejtie dan jïjtsevoeth vihkeles orreme gosse nomme veeljesovvi?
Åtna neebnetjh leah aktene rituelle ektiedimmesne. Nomme akte væhta dan ov-våajnoes baantese sjædta dej gaskem.
LUTHEREN BUERKIESTIMMIE:
Jupmelen nomme lea aejlies jïjtsinie, bene mijjieh birrebe daennie rohkelassesne dïhte aaj tjuara mijjen luvnie aejliestovvedh.
Guktie naemhtie sjugniehtåvva?
Naemhtie sjugniehtåvva gosse Jupmelen baakoem tjïelke leara, jih mijjieh aaj dan mietie jielebe goh Jupmelen maanah. Viehkehth mijjem dejnie, gieries elmien Aehtjie. Dïhte guhte ij Jupmelen baakoen mietie jielieh jïh lierh, dïhte Jupmelen baakoem mïedtele. Vaarjelh mijjem destie, elmien Aehtjie.
Jupmelen nomme lea aejlies jïjtsinie, bene mijjieh birrebe daennie rohkelassesne dïhte aaj tjuara mijjen luvnie aejliestovvedh.
Guktie naemhtie sjugniehtåvva?
Naemhtie sjugniehtåvva gosse Jupmelen baakoem tjïelke leara, jih mijjieh aaj dan mietie jielebe goh Jupmelen maanah. Viehkehth mijjem dejnie, gieries elmien Aehtjie. Dïhte guhte ij Jupmelen baakoen mietie jielieh jïh lierh, dïhte Jupmelen baakoem mïedtele. Vaarjelh mijjem destie, elmien Aehtjie.
Sisvegen bïjre
Akte låavthgåetie dovne årromesijjie, byöpmedimssijjie jïh akte sijjie ektievoeten gaavhtan. Akte låavthgåetie suajam vadta jïh vååjnoe goh almetji vaanterdimmie jïh ulmie.
Bijbelisnie lohkebe nomaden almetjetjierti bïjre mah låavhtgåetesne årroejin. Tjåådtje Abrahamen bïjre, mij låavthgåetesne årroeji Isakinie jïh Jakobinie ektine (Hebr. 11.9), jïh Mosesen bïjre mij låavthgåetiem tseegki leejren ålkolen (2. Mos 33,7).
Dah otnerassh aktene låavhtgåetesne maehtieh Aehtjiem, Baerniem jïh Dan Aejlies Voejkenem årrodh. Jïh doh jeatjah deakehkh leah almetjh mah sijjen jieledh dejnie bigkieh.
