Mijjieh rohkelibie Jupmelen rïjhke edtja mijjese båetedh, daennie eatnamisnie, jïh dïhte gaajhkide almetjidie veartenisnie båata. Uvtemes Jeesuse dïhte, mij mijjem vuesehte man plieresne Jupmelen rïjhke. Gosse Bijbelisnie lohkebe maehtebe Jeesusinie åahpanidh. Maam darjoeji? Maam jeehti? Mij almetjigujmie dan bïjre heannadi? Maam sæjhta raaktan jiehtedh Jupmelen rïjhke eatnamasse båata? Sæjhta jiehtedh mijjieh aktem åajvoeh veartenen åadtjobe, gusnie gaajhkesh giemhpes sinsætnan, jallh maahta mij akt jeatjah årrodh? Jupmele sæjhta mijjieh edtjebe dan gåajkoe båetedh, jïh dïhte mijjese tjåarvoeminie jïh sov gaarvanamme maanah ohtsedemine, dan Aejlies Voejkenen lïhke. Dle Dïhte Aejlies Voejkene mijjem leara jïh viehkehte Jupmelem iehtsedh, og mijjese buerkeste mij lea tjaalasovveme- guktie mijjieh åadtjobe Jupmelen elmien faamoem damtedh daennie eatnamisnie.
 

LUTHEREN BUERKIESTIMMIE:
Jupmelen rïjhke jïjtsistie båata bielelen mijjieh dan bïjre rohkelibie, bene daennie rohkelassesne rohkelibie dïhte aaj tjuara mijjese båetedh. 
 

Guktie naemhtie sjugniehtåvva?

Naemhtie sjugniehtåvva gosse elmien Aehtjie sov aarmoste sov Aejlies Voejkenem vadta, juktie mijjieh jaehkebe dan baakoeh, jïh goh kristegassjh jielebe, daelie jïh ihkuven aajkan.
 

Akte låavthgåetie dovne årromesijjie, byöpmedimssijjie jïh akte sijjie ektievoeten gaavhtan. Akte låavthgåetie suajam vadta jïh vååjnoe goh almetji vaanterdimmie jïh ulmie. 

 

Bijbelisnie lohkebe nomaden almetjetjierti bïjre mah låavhtgåetesne årroejin. Tjåådtje Abrahamen bïjre, mij låavthgåetesne årroeji Isakinie jïh Jakobinie ektine (Hebr. 11.9), jïh Mosesen bïjre mij låavthgåetiem tseegki leejren ålkolen (2. Mos 33,7). 

 

Dah otnerassh aktene låavhtgåetesne maehtieh Aehtjiem, Baerniem jïh Dan Aejlies Voejkenem årrodh. Jïh doh jeatjah deakehkh leah almetjh mah sijjen jieledh dejnie bigkieh.