valla vaarjelh mijjem bahheste
Daajrah mij lea bahhas? Almetji dahkoeh jallh åssjaldahkh dah, mah leah bahhas? Nagke naemhtie, akte bahhas almetje lea bahhas abpe jieleden – jallh gåarede ånnetji bahhas årrodh naan aejkien, bene jeatjah gaavhtan gïemhpes jïh vietseles årrodh? Daesnie rohkelibie Mijjen elmien aehtjie mijjem dehtie bahheste vaarjelidh.
Mijjieh rohkelibie Jupmele mijjese faamoem vadta bahhan vööste gæmhpodh, dïhte mijjem reenskie juktie mijjen åssjaldahkh, baakoeh jïh dahkoeh eah edtjh mijjem jallh jeatjabidie baektjiedidh. Dïhte bahha lea mij akt mij mijjen sisnie årroeminie, man vööste mijjieh tjoerebe gæmhpodh. Jis mijjieh damtebe bahha mijjem håvhtede, dellie aktem viehkiedirregem utnebe juktie mijjem vaarjelidh. Jeesuse Kristuse. Dïhte mijjen lïhke sov nommen tjïrrh, jïh kroessevæhta, Aehtjie mijjen jïh Jupmelen baakoe.
Maam sæjhta jiehtedh bahheste lutniestovvedh? Sæjhta jiehtedh ij gåessie gænnah maam akt båajhtode dorje?
Sisvegen bïjre
Akte låavthgåetie dovne årromesijjie, byöpmedimssijjie jïh akte sijjie ektievoeten gaavhtan. Akte låavthgåetie suajam vadta jïh vååjnoe goh almetji vaanterdimmie jïh ulmie.
Bijbelisnie lohkebe nomaden almetjetjierti bïjre mah låavhtgåetesne årroejin. Tjåådtje Abrahamen bïjre, mij låavthgåetesne årroeji Isakinie jïh Jakobinie ektine (Hebr. 11.9), jïh Mosesen bïjre mij låavthgåetiem tseegki leejren ålkolen (2. Mos 33,7).
Dah otnerassh aktene låavhtgåetesne maehtieh Aehtjiem, Baerniem jïh Dan Aejlies Voejkenem årrodh. Jïh doh jeatjah deakehkh leah almetjh mah sijjen jieledh dejnie bigkieh.
