Gyrhkesjimmie låavthgåetesne

300 jaepieh vaasin aarebi dah voestes kristegassjh jïjtsh gærhkoeh åadtjoejin. Daan raajan daamtajommes gyrhkesjimmide altese jïjtsh gåetine hööltestin.

Mijjieh maehtebe aarvadalledh gyrhkesjimmie lij akten jorpe buertien bïjre, gusnie ektievote våajnoes sjïdti gosse gaajhkesh maam akt vedti, muvhth beapmoem jurjiehtin, muvhth laavlomh meatan utnin, muvhth tjaalegh lohkin, muvhth böötin mievriestimmiejgujmie jnv.

Gosse gærhkoeh bigkesovvin, dellie våarome lij akte rovmeren gåetieguntie mij akten guhkiesbuertien bïjre gaavnesji. Iemedeålmaj buertien bijjiebielesne tjahkasji. Låavthgåetie aaj akte sijjie ”gyrhkesjæmman” orreme. Båassjoe lij dïhte sijjieh gusnie aejlies daeverh jïh beapmoeh lin. Båassjoem åtneme goh dïhte vaarjelamme sijjieh låavhtgåetesne, man bijjelen ij guhte edtjh trööredh jallh njulhtjedh. Edtjebe dam aejlies maalestahkem heevehtidh låavthgåetesne, dle iemie aejlies maalestahken daeverh båassjose biejedh. Vuesiehtimmien gaavhtan lea reaktoe Bijbelen båassjose biejedh. Bijbele lea ojhte dovne ”laejpie elmeste” jïh akte aejlies daevere. Vuekien mietie dle fuelhkien almetjh aaj vihties sijjieh åtneme låavthgåetesne. Aehtjie tjidtjie båassjoen lïhkemes, bene ovmessie vuekieh mennie sijjesne aerneste. Gosse edtja gyrhkesjimmieh låavthgåetesne utnedh dellie iemie hearra dam sijjiem båassjoen lïhkemes åådtje.

Aernie lea jieledegaaltijen væhta. Mijjese dle mielem vadta aerniem nåhtadidh goh Kristusen væhta. Dïhte lea veartenen tjoevkese. Mijjieh geasalgovvebe aernien tjoevkesistie jïh baahkeste. Aernie lea dïhte iemie gaavnesjimmiesijjie.

(Tore Johnsen,  Tromsø, 15.09.2006)